ଭୁବନେଶ୍ବର: ନଦୀ ଜଳ ପ୍ରଦୂଷଣକୁ ନେଇ ଜାତୀୟ ଗ୍ରୀନ ଟ୍ରିବ୍ୟୁନାଲର କଡା ଆଭିମୁଖ୍ୟ । ଏଣିକି ଶିଳ୍ପ ପ୍ରତିଷ୍ଠାନ ଗୁଡିକ କମ୍ପାନୀରୁ ବାହାରୁ ଥିବା ଅଳିଆ ଆବର୍ଜନା ଓ ବର୍ଜ୍ୟବସ୍ତୁ ଜଳ ଆଦିକୁ ନଦୀକୁ ଛାଡି ପାରିବେ ନାହିଁ । ଏହା ଉପରେ ରୋକ ଲଗାଇଛି ଜାତୀୟ ଗ୍ରୀନ ଟ୍ରିବ୍ୟୁନାଲ ।
ରାଜ୍ୟରେ ନଦୀ ଅବବାହିକାରେ ଥିବା ଶିଳ୍ପ ପ୍ରତିଷ୍ଠାନ ଗୁଡିକ ବାହାରୁଥିବା ବର୍ଜ୍ୟବସ୍ତୁ ନଦୀକୁ ଛାଡିବା ଫଳରେ ନଦୀ ପ୍ରଦୂଷିତ ହେଉଛି । ରାଜ୍ୟର 19ଟି ନଦୀର ଜଳ ବିଷାକ୍ତ ଓ ପ୍ରଦୂଷିତ ହୋଇଥିବା କେନ୍ଦ୍ର ସରକାର ଖୋଦ ମାନିବା ପରେ ଏହାକୁ ଅତ୍ୟନ୍ତ ଗୁରୁତର ଭାବେ ନେଇଛନ୍ତି ଗ୍ରୀନ ଟ୍ରିବ୍ୟୁନାଲ ।
ଏଭଳି ସାଙ୍ଘାତିକ ତଥ୍ୟ ସାମନାକୁ ଆସିବା ପରେ ରାଜ୍ୟ ସରକାରଙ୍କ ପକ୍ଷରୁ ମଧ୍ୟ ତତ୍ପରତା ପ୍ରକାଶ ପାଇଛି । ଶିଳ୍ପ ପ୍ରତିଷ୍ଠାନ ଗୁଡିକ ସେମାନଙ୍କ ପ୍ରଦୂଷିତ ଜଳ ନଦୀ ଭିତରକୁ ନ ଛାଡିବା ପାଇଁ ଗତ ୫ ତାରିଖରେ ରାଜ୍ୟ ପ୍ରଦୂଷଣ ବୋର୍ଡ ପକ୍ଷରୁ ନୋଟିସ ଜାରି ହୋଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
