ଭୁବନେଶ୍ବର: ରାତିର ରାଜଧାନୀରେ ଚାଲିଥିବା ହାଇପ୍ରୋଫାଇଲର ଜୁଆ ଆଡ୍ଡା । ସମସ୍ତେ ଶୋଇଥିବା ସମୟରେ ଜମୁଥିଲା ଜୁଆ ଆଡ୍ଡା । ସଟଡାଉନରେ ବାର ଖୋଲି ମାତାଲ ହେଉଥିଲେ ଜୁଆଡିଆ । ଆଡ୍ଡାରେ ଉଡୁଥିଲା ଟଙ୍କା ଓ ବାଜିରେ ଲାଗୁଥିଲେ ଯୁବତୀ । ହେଲେ ସ୍ଥାନୀୟ ପୋଲିସ ପାଖରେ ନଥିଲା କୌଣସି ସୁରାକ । ଏହି ସମୟରେ ହଠାତ୍ ରେଡ କଲା ପୋଲିସ । ଆଉ ଏବେ ପୋଲିସ ପଞ୍ଝାରେ ଏହି ହାଇପ୍ରୋଫାଇଲ ଜୁଆ ଆଡ୍ଡା ଗ୍ୟାଙ୍ଗ । 4 ଯୁବତୀଙ୍କ ସମେତ ୧୩ ଜଣଙ୍କୁ ଅଟକ ରଖି ଜୁଆ ଆଡ୍ଡା ଗ୍ୟାଙ୍ଗର ପର୍ଦ୍ଦାଫାସ କରିଛି ପୋଲିସ ।
କଟକ-ଭୁବନେଶ୍ବର ରୋଡର ଏକ ହୋଟେଲରେ ଚାଲିଥିଲା ଏହି ହାଇ ପ୍ରୋଫାଇଲର ଜୁଆ ଆଡ୍ଡା । ଏହି ଚଢାଉରେ ପୋଲିସ ୨ ଲକ୍ଷ ୫୩ ହଜାର ଟଙ୍କା ସହ ତାସ ପତା ଓ ୧୨ରୁ ଅଧିକ ମୋବାଇଲ ଫୋନ ଜବତ କରିଛି । 3 ଜଣ ଯୁବତୀ ଗିରଫ ହୋଇଥିବା ବେଳେ 10 ଜଣ ଯୁବକଙ୍କୁ ଗିରଫ କରିଛି ପୋଲିସ । ତେବେ ସାପ୍ତାହିକ ସଟଡାଉନ ବଳବତ୍ତର ରହିଥିବା ବେଳେ ଏହାକୁ ବେଖାତିର କରି ବାର ଖୋଲିଥିଲେ ବାର କର୍ତ୍ତୃପକ୍ଷ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
