ଭଦ୍ରକ: ଘର ଛାତରେ ଥିବା ପାଣି ଟାଙ୍କିରେ ପଡି ଜଣେ 9 ମାସର ଶିଶୁକନ୍ୟାର ମୃତ୍ୟୁ ହୋଇଛି । ଏପରି ଅଭାବନୀୟ ଘଟଣା ଘଟିଛି ଚାନ୍ଦବାଲି ଥାନା ଉତୁକୁଡା ପଞ୍ଚାୟତ ପୋତାପୋଖରୀ ଗ୍ରାମରେ । ଗାଁର ରାଜେଶ ବେହେରାଙ୍କ 9 ମାସର ଝିଅ କୌଣସି କାରଣରୁ ଘର ଛାତରେ ଥିବା ପାଣି ଟାଙ୍କିରେ ପଡିଯାଇଥିଲା । ଘଟଣା ସ୍ଥଳରେ ଶିଶୁକନ୍ୟାର ଜେଜେମା ଓ ବଡ଼ମା ତାକୁ ଉଦ୍ଧାର କରି ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ । ହେଲେ ଡାକ୍ତର ସେଠାରେ ଶିଶୁଟିକୁ ମୃତ ଘୋଷଣା କରିଛନ୍ତି ।
ପାଣି ଟାଙ୍କିରେ ପଡି 9 ମାସର ଶିଶୁକନ୍ୟା ମୃତ
ଏହି ମୃତ୍ୟୁ ଘଟଣାକୁ ନେଇ ଶିଶୁକନ୍ୟାର ମାମୁଁ ଚାନ୍ଦବାଲି ଥାନାରେ ଉଭୟ ବଡ଼ମା ଓ ଜେଜେମାଙ୍କ ନାଁରେ ହତ୍ୟା ଅଭିଯୋଗ କରିଥିବା ଜଣାପଡିଛି । ଚାନ୍ଦବାଲି ପୋଲିସ ଏନେଇ ଆରମ୍ଭ କରିଛି ତଦନ୍ତ । ହେଲେ ପୋଲିସ ପକ୍ଷରୁ ବର୍ତ୍ତମାନ ଯାଏଁ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
