ବ୍ରହ୍ମପୁର: ଖୁଦୁରୁକୁଣୀ ଓଷା ପାଇଁ ଗତକାଲି ଋଷିକୁଲ୍ୟା ନଦୀରୁ ପାଣି ଆଣିବାକୁ ଯାଇ ଭାସି ଯାଇଥିବା ନିଖୋଜ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀ ଜଣଙ୍କ ସିଲି ବେହେରା ବୋଲି ଜଣାପଡ଼ିଛି ।
ଗତକାଲି ଗଞ୍ଜାମ ଜିଲ୍ଲାର ହିଞ୍ଜିଳି କାଞ୍ଜିଆମା ଗ୍ରାମର 5 ଯୁବତୀ ଋଷିକୁଲ୍ୟା ନଦୀକୁ ଯାଇଥିବା ସମୟରେ ନଦୀରେ ଭାସି ଯାଇଥିଲେ । ତାଙ୍କ ମଧ୍ୟରୁ 4 ଜଣଙ୍କୁ ଉଦ୍ଧାର କରାଯାଇଥିଲା । ଗତକାଲି ପୂଜା ପାଇଁ ନଦୀରୁ ପାଣି ଆଣୁଥିବା ବେଳେ ଜଣେ ଯୁବତୀ ନଦୀରେ ଫସି ଯାଇଥିଲେ । ତାଙ୍କୁ ବଞ୍ଚାଇ ବାକୁ ଯାଇ ଅନ୍ୟ 4 ଜଣ ନଦୀ ସ୍ରୋତରେ ଭାସିଯାଇଥିଲେ ।
ସ୍ଥାନୀୟ ଗ୍ରାମବାସୀ ଓ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି 4 ଜଣଙ୍କୁ ଉଦ୍ଧାର କରିଥିବା ବେଳେ ଜଣେ ନିଖୋଜ ଥିଲେ । ବହୁ ଖୋଜାଖୋଜି ପରେ ମଧ୍ୟ ଅଗ୍ନିଶମ ବିଭାଗ କର୍ମଚାରୀମାନେ ପାଇ ନଥିଲେ । ଆଜି ସକାଳୁ ତାଙ୍କ ମୃତଦେହ ଗିରିଆମଶାଣି ତୋଠରେ ଭାସୁଥିବାର ଦେଖିବାକୁ ମିଳିଥିଲା । ପୋଲିସ ଖବର ପାଇ ପରିବାର ଲୋକଙ୍କୁ ଜଣାଇବା ସହ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ ଚଳାଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
