ବ୍ରହ୍ମପୁର: ଦୃତ ଗତିରେ ଦୋକାନ ଉପରକୁ ମାଡିଗଲା ଟ୍ରକ ,ସିସିଟିଭିରେ କଏଦ ହେଲା ଭିଡିଓ । ବ୍ରହ୍ମପୁର ସହରର ଗୋଷାଣି ନୂଆଗାଁ ମୁଖ୍ୟ ରାସ୍ତା ଓଭରବ୍ରିଜ ସମ୍ମୁଖରେ ଘଟିଯାଇଛି ଏହି ଦୁର୍ଘଟଣା । କିଭଳି ଦୃତ ଗତିରେ ଆସି ଏହି ଟ୍ରକ ଦୁର୍ଘଟଣା ଘଟିଲା ତାହାର ସଂପୂର୍ଣ୍ଣ ଭିଜୁଆଲ କଏଦ ହୋଇଛି ସିସିଟିଭି କ୍ୟାମରାରେ ।
ବ୍ରହ୍ମପୁର ସହରର ଗୋଷାଣିନୂଆଗାଁ ମୁଖ୍ୟ ରାସ୍ତା ଓଭରବ୍ରିଜ ସମ୍ମୁଖରେ ନିର୍ମାଣ କାର୍ଯ୍ୟ ଚାଲିଥିବା ବେଳେ ବିପରୀତ ଦିଗରୁ ଆସୁଥିବା ଟ୍ରକ ବୁଲି ନପାରି ସିଧା ଦୋକାନ ଉପରକୁ ଚଢିଗଲା । ଦୁର୍ଘଟଣାରେ ପ୍ରହଲ୍ଲାଦ ପାଣିଗ୍ରାହୀ ନାମକ ବ୍ୟକ୍ତିଙ୍କ ତ୍ରିବେଣୀ ସେଲସ୍ ପଏଣ୍ଟ ନାମକ ବହି ଦୋକାନ ଭାଙ୍ଗୀ ଚୂରମାର ହୋଇଯାଇଛି । ଭାଗ୍ୟବସତଃ ଦୋକାନରେ କେହି ନଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଏଥିରେ ଟ୍ରକ ଡ୍ରାଇଭର ଗୁରୁତର ଆହାତ ହୋଇଥିବା ବେଳେ ତାଙ୍କୁ ପୋଲିସର ପିସିଆର୍ ଭ୍ୟାନ୍ ଯୋଗେ ସହରର ସିଟି ହସପିଟାଲରେ ଭର୍ତ୍ତି କରାଯାଇଛି ।
ସେପଟେ ସିସିଟିଭି ଫୁଟେଜରେ ଏହି ଦୁର୍ଘଟଣା ପୂର୍ବରୁ ସେହି ରାସ୍ତା ଦେଇ ଜଣେ ସାଇକେଲ ଚାଳକ କିଛି ସମୟ ପୂର୍ବରୁ ଯାଇଥିବା ଯୋଗୁଁ ଦୁର୍ଘଟଣାରେ ଅଳ୍ପକେ ବର୍ତ୍ତିଯାଇଛନ୍ତି । ସାପ୍ତାହିକ ସଟଡାଉନ ରହିଥିବା ଯୋଗୁଁ ଜନଗହଳି ପୂର୍ଣ୍ଣ ଅଞ୍ଚଳରେ କେହି ନଥିବା ଯୋଗୁଁ କେବଳ ଟ୍ରକ ଧକ୍କାରେ କୌଣସି ବଡ ଅଘଟଣ ଘଟିନଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ
