ବ୍ରହ୍ମପୁର: ଗତ ୨୫ ତାରିଖ ଦିନ କଳିଙ୍ଗା ଘାଟିରେ ହୋଇଥିବା ବସ୍ ଦୁର୍ଘଟଣାରେ ଆହତ ହୋଇ ଚିକିତ୍ସା ହେଉଥିବା ୩ ବର୍ଷ ଶିଶୁର ସଫଳ ଅସ୍ତ୍ରୋପଚାର ପରେ ତାକୁ ତାର ପରିବାର ବର୍ଗଙ୍କ ସହିତ ଏକ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ ପଶ୍ଚିମବଙ୍ଗ ପଠାଇଛି ପ୍ରଶାସନ । ରବିବାର ଶିଶୁକୁ ବାପା ଦୀନବନ୍ଧୁଙ୍କ ସହ ପଶ୍ଚିମବଙ୍ଗର ସୁଲତାନପୁର ଗ୍ରାମକୁ ପଠାଯାଇଛି ।
ତିନି ବର୍ଷର ଶିଶୁର ସଫଳ ଅସ୍ତ୍ରପୋଚାର, ଆମ୍ବୁଲାନ୍ସ ଯୋଗେ ପଶିମବଙ୍ଗ ପଠାଇଲା ପ୍ରଶାସନ
ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ପୂର୍ବରୁ ଦୁଇ ଦୁଇ ଥର ସ୍ୱତନ୍ତ୍ର ଗାଡି କରି ଭଞ୍ଜନଗର ଏବଂ ପରେ ବ୍ରହ୍ମପୁର ଏମ୍.କେ.ସି.ଜି ମେଡିକାଲରୁ ସମସ୍ତ ପ୍ରକାର ବ୍ୟବସ୍ଥା କରି ପଠାଇଥିବା ଦେଖିବାକୁ ମିଳିଥିଲା । ଉକ୍ତ ଦୁର୍ଘଟଣାରେ ଶିଶୁର ମା'ର ମୃତ୍ୟୁ ଘଟିଥିବା ବେଳେ ସେ ଗୁରୁତର ଆହତ ହୋଇଥିଲେ । ଓଡିଶା ସରକାର ଏବଂ ଗଞ୍ଜାମ ଜିଲ୍ଲା ପ୍ରଶାସନଙ୍କ ପକ୍ଷରୁ ଗତ ଦୁର୍ଘଟଣା ପରେ ପଡୋଶୀ ରାଜ୍ୟର ଆହତ ହୋଇଥିବା ସମସ୍ତ ଯାତ୍ରୀ କିପରି ଚିକିତ୍ସା ପରେ ସୁରକ୍ଷିତ ଭାବରେ ପଶ୍ଚିମବଙ୍ଗ ଫେରିବେ ସେ ନେଇ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି ।
ଇଟିଭି ଭାରତ, ବ୍ରହ୍ମପୁର
