ବ୍ରହ୍ମପୁର: ଗଞ୍ଜାମ ଜିଲ୍ଲାରେ ଦିନକୁ ଦିନ କୋରୋନା ସଙ୍କ୍ରମିତଙ୍କ ସଂଖ୍ୟା ବୃଦ୍ଧି ପାଉଛି । ମୃତ ସରକାରୀ ପରିବହନ ଠିକାଦାରଙ୍କୁ କୋଭିଡ ଯୋଦ୍ଧା ଘୋଷଣା ସହ ମୃତଙ୍କ ପରିବାରକୁ ସରକାରୀ ସହାୟତା ପାଇଁ ଦାବି କରିଛି ଜିଲ୍ଲା ସରକାରୀ ଠିକାଦାର ସଂଘ । ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କୁ ଭେଟି ଏକ ସ୍ମାରକ ପତ୍ର ପ୍ରଦାନ କରାଯାଇଛି । ଲକ୍ଷ୍ମୀ ନାରାୟଣ ପାତ୍ର ସହରର ଯୁବ ସମାଜସେବୀ ଓ ଯୁବ ଉଦ୍ୟୋଗୀ ଭାବେ କାର୍ଯ୍ୟ କରିଥିଲେ । କୋରୋନାରେ ଆକ୍ରାନ୍ତ ହୋଇ ଟାଟା କୋଭିଡ଼ ମେଡ଼ିକାଲରେ ଚିକିତ୍ସିତ ହେଉଥିଲେ । ହେଲେ ଗତ 2 ତାରିଖରେ ତାଙ୍କର ମୃତ୍ୟୁ ଘଟିଥିଲେ ।
ଲକ୍ଷ୍ମୀ ନାରାୟଣ ସରକାରୀ ଠିକାଦାର ରୂପେ କାର୍ଯ୍ୟ କରି ଆସୁଥିବା ବେଳେ କୋରୋନା ସମୟରେ ସରକାରଙ୍କ ପକ୍ଷରୁ ମାଗଣା ଚାଉଳ, ଟଙ୍କାକିଆ ଚାଉଳ, ଅଙ୍ଗନାବାଡି କେନ୍ଦ୍ରକୁ ଗହମ, ଚାଉଳ ବଣ୍ଟନ କରି କୋରୋନାରେ ଆକ୍ରାନ୍ତ ହୋଇଥିଲେ ବୋଲି ସଂଘର କର୍ମକର୍ତ୍ତା କହିଛନ୍ତି । ତେଣୁ ତାଙ୍କୁ କୋଭିଡ ଯୋଦ୍ଧା ଭାବେ ଘୋଷଣା କରିବା ପାଇଁ ଦାବି ହୋଇଛି । ଏନେଇ ବିଚାର କରିବେ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ
