ବ୍ରହ୍ମପୁର: ୭୫ ତମ ସ୍ବାଧିନତା ଦିବସ ପାଳନ ପାଇଁ ବ୍ରହ୍ମପୁରରେ ଶେଷ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି । ସହରର ଖଲ୍ଲିକୋଟ ଏକକ ବିଶ୍ବବିଦ୍ୟାଳୟ ଷ୍ଟାଡିୟମ ପରିସରରେ ଉପଖଣ୍ଡ ପ୍ରଶାସନ ଓ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ କୋଭିଡ଼ କଟକଣା ମଧ୍ୟରେ ଏହି ଉତ୍ସବ ପାଳନ କରାଯିବ । ତେବେ ଏହି ପ୍ୟାରେଡ ଉତ୍ସବରେ କୌଣସି ସ୍କୁଲ, କଲେଜର କଣ୍ଟିଜେଣ୍ଟ ଭାଗ ନେବେ ନାହିଁ ବୋଲି ସ୍ପଷ୍ଟ କରାଯାଇଛି ।
ମୁଖ୍ୟ ଅତିଥିଙ୍କ ଦ୍ବାରା ଜାତୀୟ ପତକା ଉତ୍ତୋଳନ କରାଯିବା ସହିତ ପୋଲିସ ବିଭାଗର ମାତ୍ର ଦୁଇଟି କଣ୍ଟିଜେଣ୍ଟ ରହିଥିବାରୁ ଦୁଇଟି ପ୍ଲାଟୁନ୍ ଏଥିରେ ଭାଗ ନେବେ ଏବଂ ପୋଲିସ ବ୍ୟାଣ୍ଡ ଉପସ୍ଥିତ ରହିବେ । ଚଳିତବର୍ଷ ପ୍ୟାରେଡ୍ ଅନୁଷ୍ଠିତ ହେବ ନାହିଁ । ଏହି କାର୍ଯ୍ୟକ୍ରମରେ ପ୍ରଶାସନିକ ଅଧିକାରୀ, ନିମନ୍ତ୍ରିତ ଅତିଥିଙ୍କ ସମେତ କୋଭିଡ ସମୟରେ ନିରବିଚ୍ଛିନ୍ନ ଭାବରେ ସେବା ଯୋଗାଇ ଆସିଥିବା ବ୍ୟକ୍ତିବିଶେଷଙ୍କୁ ସମ୍ବର୍ଦ୍ଧିତ କରାଯିବ । ଏନେଇ ସୂଚନା ଦେଇଛନ୍ତି ପୋଲିସ ବିଭାଗର ପ୍ୟାରେଡ ଦାୟିତ୍ବରେ ରହିଥିବା ରିଜର୍ଭ ଇନିସପେକ୍ଟର ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
