ବ୍ରହ୍ମପୁର: କୋରୋନା ରୂପକ ମହାମାରୀ ସମୟରେ ଗଞ୍ଜାମ ଜିଲ୍ଲାରେ ଚୋରାମଦ କାରବାରକୁ ବନ୍ଦ କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ କଡା ଚେତାବନୀ ଦିଆଯାଇଥିବା ବେଳେ ଜିଲ୍ଲାରେ ଏନେଇ ଜାରି ରହିଛି ମିଳିତ ଚଢାଉ । ଏହି କ୍ରମରେ ଜିଲ୍ଲାର ପୁରଷୋତ୍ତମପୁର ଅଞ୍ଚଳରେ ପୋଲିସ, ଅବକାରୀ ଏବଂ ମାଜିଷ୍ଟ୍ରେଟଙ୍କ ମିଳିତ ଚଢାଉ ସମୟରେ ତିନିଜଣ ଚୋରା ମଦ ବ୍ୟବସାୟୀଙ୍କୁ ଗିରଫ କରାଯିବା ସହ ସେମାନଙ୍କ ନିକଟରୁ ୭୪ ଲିଟର ବେଆଇନ ବିଷାକ୍ତ ମଦ ଜବତ ହୋଇଛି ।
ଏହାସହ ୨୪ ଲିଟର ଦେଶୀ ମହୁଲି ମଦ ସହ ଗୋଟିଏ ମୋଟର ସାଇକେଲକୁ ଜବତ କରାଯାଇଛି । ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକ ଓ ଅବକାରୀ ବିଭାଗର ଅଧିକାରୀ ଅଧିକ୍ଷକଙ୍କ ନିର୍ଦ୍ଦେଶକ ପୋଲିସ ଏବଂ ଅବକାରୀ ବିଭାଗର ବହୁ ଅଧିକାରୀ ଓ କର୍ମଚାରୀ ନିୟୋଜିତ ରହିଥିବା ବେଳେ ସ୍ଥାନୀୟ ତହସିଲଦାର ଅରୁଣ କୁମାର ନାୟକ ପ୍ରମୁଖ ଉପସ୍ଥିତ ରହିଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
