ବ୍ରହ୍ମପୁର: ମହିଳାଙ୍କ ବେକରୁ ଚେନ୍ ଝାମ୍ପି ନେବା ଅଭିଯୋଗର ଜଣେ ଗିରଫ । ଗିରଫ ଅଭିଯୁକ୍ତ ଜଣଙ୍କ ହେଲା ବ୍ରହ୍ମପୁର ସହର ବଡବଜାର ପୁରୁଣା ବ୍ରହ୍ମପୁର ଅଞ୍ଚଳରେ ପିଣ୍ଟୁ ନାୟକ ।
ସୂଚନାନୁସାରେ, ବ୍ରହ୍ମପୁର ସହରର ଗୋଷାଣି ନୂଆଗାଁ ଥାନା ଅଞ୍ଚଳରେ ଜଣେ ମହିଳାଙ୍କ ବେକରୁ ସୁନା ଝାମ୍ପି ନେଇଥିଲା ଦୁର୍ବୃତ୍ତ । ଗୋଷାଣି ନୂଆଗାଁ ଥାନା ଅନ୍ତର୍ଗତ ହାଉସିଙ୍ଗ୍ ବୋର୍ଡ କୋଲେନୀରେ ରାତ୍ର ୮ ଟା ସମୟରେ ତନୁଶ୍ରୀ ନନ୍ଦ ନାମକ ମହିଳା ତାଙ୍କ ସ୍ୱାମୀଙ୍କ ସହିତ ସଂନ୍ଧ୍ୟା ଭ୍ରମଣରେ ବାହାରିଥିଲେ ।
ସେହି ସମୟରେ ସହର ବଡବଜାର ପୁରୁଣା ବ୍ରହ୍ମପୁର ଅଞ୍ଚଳରେ ପିଣ୍ଟୁ ନାୟକ ନାମକ ଯୁବକ ମହିଳାଙ୍କୁ ଆଘାତ ଦେବା ସହିତ ତାଙ୍କଠାରୁ ସୁନା ଅଳଙ୍କାର ଲୁଟି ନେଇଥିବା ଅଭିଯୋଗ ହୋଇଛି । ଘଟଣାକୁ ନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ପୋଲିସ ଅଭିଯୁକ୍ତ ପିଣ୍ଟୁ ନାୟକକୁ ଗିରଫ କରିବାରେ ସଫଳ ହୋଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
