ବ୍ରହ୍ମପୁର: ସହରରେ ଜଣେ ଯୁବକଙ୍କୁ କ୍ରିକେଟ ବ୍ୟାଟରେ ସଙ୍ଘବଦ୍ଧ ଭାବରେ ଆକ୍ରମଣ କରାଯାଇଛି । ଏହି ଘଟଣାର ସିସିଟିଭି ଭିଡିଓ ଏବେ ଭାଇରାଲ ହୋଇଛି । ଗତ ୨୮ ତାରିଖରେ ଯୁବକଙ୍କ ଉପରକୁ ହୋଇଥିଲା ଆକ୍ରମଣ ।
ବ୍ରହ୍ମପୁରରେ ଯୁବକଙ୍କୁ କ୍ରିକେଟ ବ୍ୟାଟରେ ଆକ୍ରମଣ, ଭିଡିଓ ଭାଇରାଲ
ବ୍ରହ୍ମପୁର ସହରର ବୈଦ୍ୟନାଥପୁର ଥାନା ଅନ୍ତର୍ଗତ ପଣ୍ଡା କଲୋନୀରେ ମୋଟର ସାଇକେଲ ପାର୍କିଂକୁ ନେଇ ହୋଇଥିଲା ଗଣ୍ଡଗୋଳ । ସ୍ଥାନୀୟ ଅଞ୍ଚଳର ଯୁବକ ରାଜା ମିଶ୍ରଙ୍କୁ ଏକ କ୍ରିକେଟ ବ୍ୟାଟରେ ୪ଜଣ ଯୁବକ ମିଳିତ ଭାବରେ ନିସ୍ତୁକ ମାଡ ମାରିଥିଲେ ।ଏହାର ଭିଜୁଆଲ ଭାଇରାଲ ହେବା ସହ ଏହି ଘଟଣାରେ ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରିଛି । ତେବେ ଆକ୍ରମଣର ଶିକାର ଯୁବକ ରାଜା ମିଶ୍ର ବି ଗିରଫ ହୋଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
