ବ୍ରହ୍ମପୁର: କୋରୋନା ଦ୍ବିତୀୟ ଲହର ସଂକ୍ରମଣକୁ ଏଡାଇବା ପାଇଁ ବନ୍ଦ ହୋଇଛି ଗଞ୍ଜାମ ଜିଲ୍ଲାର ମାଆ ତାରାତାରିଣୀଙ୍କ ଯାତ୍ରା। ଏବେ ରାଜ୍ୟରେ ଦୈନିକ କୋରୋନା ସଂକ୍ରମଣ 4 ହଜାର ଟପି ଥିବାବେଳେ ଏହାକୁ ପ୍ରତିହତ କରିବାକୁ ତାରାତାରିଣୀ ଯାତ୍ରା ଉପରେ ଲାଗିଛି କଟକଣା ।
ବଢୁଥିବା ସଂକ୍ରମଣକୁ ଦେଖି ମାଆ ତାରାତାରିଣୀଙ୍କ ଯାତ୍ରା ବନ୍ଦ କରିବାକୁ ନିଷ୍ପତି ହୋଇଛି । ବିନା ଭକ୍ତରେ ମାଆଙ୍କ ଚୈତ୍ର ପର୍ବର ଚତୁର୍ଥ ମଙ୍ଗଳବାର ଅବସରରେ କେବଳ ମାଙ୍କ ରୀତିନୀତି ପୂଜକଙ୍କ ଦ୍ୱାରା ଅନୁପାଳନ କରାଯିବ ।
ଏଣୁ ଆସନ୍ତାକାଲି(ମଙ୍ଗଳବାର) ମାଆ ତାରାତାରିଣୀଙ୍କ ଯାତ୍ରା ବନ୍ଦ ରହିବ ଏବଂ ଭକ୍ତ ମାନଙ୍କ ଦର୍ଶନ ସମ୍ପୂର୍ଣ୍ଣ ବନ୍ଦ ରହିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଗତ ତୃତୀୟ ମଙ୍ଗଳବାର ଅବସରରେ ମାଆଙ୍କ ଯାତ୍ରା ପାଇଁ କେବଳ ସ୍ଥାନୀୟ ଲୋକଙ୍କ ପାଇଁ ଅନୁମତି ପ୍ରଦାନ କରାଯାଇଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
