ବ୍ରହ୍ମପୁର : କୋଭିଡ କଟକଣା ମଧ୍ୟରେ ଆରମ୍ଭ ହୋଇଛି ବ୍ରହ୍ମପୁରର ପ୍ରସିଦ୍ଧ ମା’ କାଳୁଆଙ୍କ ଯାତ୍ରା । ପ୍ରତ୍ୟେକ ବର୍ଷ ଶାରଦୀୟ ପୂଜା ସମୟରେ ସହରର ଗୋଷାଣିନୂଆଗାଁ ଅଞ୍ଚଳର ଆରାଧ୍ୟାଦେବୀ ମାଆ କାଳୁଆଙ୍କ ପ୍ରସିଦ୍ଧ ଯାତ୍ରା ଆୟୋଜିତ ହୋଇଥାଏ। ପରମ୍ପରା ଅନୁଯାୟୀ ମା’ କାଳୁଆଙ୍କ ଆଶ୍ୱିନ ମାସର ଅମାବାସ୍ୟା ତିଥିରେ ନିଜ ବାପଘର କୁହାଯାଉଥିବା ଅସ୍ଥାୟୀ ମଣ୍ଡପରେ ବିରାଜିତ ହୋଇଥାନ୍ତି ।
ଏହାସହ ମାଆଙ୍କର ଏ ଯାତ୍ରା କୁମାରପୂର୍ଣ୍ଣମା ପର୍ଯ୍ୟନ୍ତ ଆୟୋଜିତ ହୋଇଥାଏ । ହେଲେ ଚଳିତ ବର୍ଷ ପ୍ରଶାସନର କଟକଣା ମଧ୍ୟରେ ମା’ ସେବାୟତଙ୍କ ଗହଣରେ ଆସିଛନ୍ତି । ଯାତ୍ରାରେ ସମସ୍ତ କୋଭିଡ ନିୟମ ମାନି ପାଳନ କରିବାକୁ ଅନୁରୋଧ କରାଯାଇଛି। ମାଆଙ୍କ ଏହି ଯାତ୍ରା ଆସନ୍ତା ୧୫ଦିନ ଧରି ଅସ୍ଥାୟୀ ମନ୍ଦିର ଆୟୋଜିତ ହେବ । ଚଳିତ ବର୍ଷ ପ୍ରଥମ ଦିନରେ କଟକଣା ମଧ୍ୟରେ ଭକ୍ତମାନେ ମାଆଙ୍କୁ ଦର୍ଶନ ତରିବାର ସୁଯୋଗ ପାଇଁ ଖୁସି ଥିବା କହିଛନ୍ତି । ମାଆଙ୍କ ଯାତ୍ରାକୁ ଦୃଷ୍ଟିରେ ରଖି ପୋଲିସ ଓ ପ୍ରଶାସନ ପକ୍ଷରୁ ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
