ବ୍ରହ୍ମପୁର: ୱାର୍ଲ୍ଡ ରେକର୍ଡ ସୃଷ୍ଟି କରିବା ପଥରେ ବ୍ରହ୍ମପୁର ସରକାରୀ ଆଇଟିଆଇ । 22 ଫୁଟର ବନିଶି କଣ୍ଟା ତିଆରି କରି ଗିନିଜ୍ ବୁକ ଅଫ ରେକର୍ଡରେ ସ୍ଥାନ ପାଇବା ଲାଗି ଆଶା ରଖିଛି ଶିକ୍ଷାନୁଷ୍ଠାନ । 40 ଦିନର ଅକ୍ଳାନ୍ତ ପରିଶ୍ରମ କରି ଏହି ବନିଶି କଣ୍ଟାକୁ ତିଆରି କରିଛନ୍ତି ଅଧ୍ୟୟନ ରତ ଛାତ୍ରଛାତ୍ରୀ । ଫିଟର, ୱେଲଡର,ପ୍ଳାମ୍ବର ଓ ଇଣ୍ଡଷ୍ଟ୍ରିଆଲ ପେଣ୍ଟର ବିଭାଗର ଛାତ୍ରଛାତ୍ରୀ ମିଳିତ ଭାବେ ଏହାକୁ ତିଆରି କରିଛନ୍ତି ।
ବନିଶି କଣ୍ଟାଟିର ଓଜର 400 କେଜି ହୋଇଥିବା ବେଳେ ଏହାକୁ ତିଆରି କରିବା ପାଇଁ 30 ରୁ 40 ଜଣ ଛାତ୍ରଛାତ୍ରୀ ଅକ୍ଳାନ୍ତ ପରିଶ୍ରମ କରିଛନ୍ତି । କଣ୍ଟାଟି ଆଇଟିଆଇର ପୁରୁଣା ହଷ୍ଟେଲର ଭଙ୍ଗା ଖାଡି ଓ ସିଟରେ ନିର୍ମିତ ହୋଇଛି । ପୂର୍ବରୁ ଗିନିଜ ବୁକରେ 10 ଫୁଟ ଓ ପରେ 15.6 ଫୁଟ ଉଚ୍ଚତା ବନିଶି କଣ୍ଟାର ରେକର୍ଡ ଥିବାବେଳେ 22 ଫୁଟର କଣ୍ଟା କରି ରେକର୍ଡ କରିବା ଲକ୍ଷ୍ୟରେ ରହିଛି ଆଇଟିଆଇ ।
ସେପଟେ ଏହି ବନିଶି ତିଆରି କରିଥିବାରୁ ସିଏମଓ ପକ୍ଷରୁ ଟ୍ବିଟ କରି ବ୍ରହ୍ମପୁର ସରକାରୀ ଆଇଟିଆଇ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
