ବ୍ରହ୍ମପୁର: ଗୋପାଳପୁର ପୋର୍ଟ ସୁପରଭାଇଜର ଏବଂ ଶ୍ରମିକ ୟୁନିୟନର ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି । ଛତ୍ରପୁର ଠାରେ ଆୟୋଜିତ ଏହି ବୈଠକରେ ବରିଷ୍ଠ ସଦସ୍ୟ ଇଶ୍ବର ଖୁଣ୍ଟିଆ ସଭାପତିତ୍ବ କରିଛନ୍ତି । ବୈଠକରେ ୟୁନିୟନର ସମ୍ପାଦକ କେଶବ ନାହାକ ବିଗତ ବର୍ଷ ଗୁଡିକରେ ହୋଇଥିବା ବିଭିନ୍ନ କାର୍ଯ୍ୟ ରିପୋର୍ଟ ଏବଂ ୟୁନିୟନ୍ର ସୁବିଧା ଅସୁବିଧା ସମ୍ବନ୍ଧରେ ଆଲୋଚନା କରିଥିଲେ ।
ଏହି ଅବସରରେ ବୈଠକରେ ୟୁନିୟନର ଦୁଇ ତୃତୀୟାଂଶ ସଭ୍ୟ ଉପସ୍ଥିତ ରହି ୟୁନିୟନର 21 ଜଣିଆ କମିଟି ସମେତ ଏକ ନୂତନ କର୍ମକର୍ତ୍ତା ଚୟନ କରିଛନ୍ତି । ୟୁନିୟନ୍କୁ ପରିଚାଳନା କରିବା ନିମନ୍ତେ ନୂତନ ସଭାପତି ଭାବେ ଚିଙ୍କାରା ବେହେରା ଏବଂ ସମ୍ପାଦକ ଭାବରେ କେଶବ ନାହାକଙ୍କୁ ଚୟନ କରାଯାଇଛି ।
ସ୍ଥାନୀୟ ଲକ୍ଷ୍ମଣ ଭବନ ଠାରେ ୟୁନିୟନ୍ ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ କମିଟି ପକ୍ଷରୁ ଗୋପାଳପୁର ବନ୍ଦରରେ ସୁପରଭାଇଜର ଏବଂ ୱାର୍କରସ ୟୁନିୟନର ବାରମ୍ବାର କରାଯାଉଥିବା ଦାବିକୁ ଗୁରୁତ୍ବ ଦେବା ସହିତ ଏହି ୟୁନିୟନର ଶ୍ରମିକଙ୍କୁ କାର୍ଯ୍ୟ ନଯୋଗାଇଲେ ଆଗାମୀ ଦିନରେ ଆନ୍ଦୋଳନ କରିବାକୁ ଚେତାବନୀ ଦିଆଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
