ବ୍ରହ୍ମପୁର: ଗଞ୍ଜାମ ଜିଲ୍ଲାର ଜଣେ ଅବସରପ୍ରାପ୍ତ ରାଜସ୍ବ ନିରୀକ୍ଷକଙ୍କ ବିୟୋଗ ପରେ ତାଙ୍କ ମୃତଦେହକୁ ଏମ୍ କେ ସି ଜି ମେଡିକାଲକୁ ଦାନ କଲେ ପରିବାର ବର୍ଗ । ବେଲଗୁଣ୍ଠା ଗୋପିନାଥ ସାହି ଅଞ୍ଚଳରେ ରହୁଥିବା ଅବସରପ୍ରାପ୍ତ ରାଜସ୍ବ ବିଭାଗର ଅଧିକାରୀ ସୁବାସ ଚନ୍ଦ୍ର ମହାନ୍ତିଙ୍କ ଦେହାନ୍ତ ପରେ ତାଙ୍କ ମୃତଦେହକୁ ପରିବାର ଲୋକେ ଦାନ କରିଛନ୍ତି ।
ବେଲଗୁଣ୍ଠା ସି.ଏଚ୍.ସି ମେଡିକାଲରେ ତାଙ୍କର ଦେହାନ୍ତ ପରେ ପରିବାର ବର୍ଗ ତାଙ୍କ ମରଶରୀରକୁ ଏମ୍ କେ ସି ଜିକୁ ଆଣିବା ସହ ମେଡିକାଲର ବିଦ୍ୟାର୍ଥୀମାନଙ୍କ ଅଧ୍ୟୟନ ପାଇଁ ଦାନ କରିଛନ୍ତି । ତାଙ୍କ ପୁଅ ଦେବଦତ୍ତ ମହାନ୍ତିଙ୍କ ଉପସ୍ଥିତିରେ ପରିବାରର ସଦସ୍ୟ ଓ ବନ୍ଧୁ ପରିଜନ ମେଡିକାଲ କଲେଜର ଅନୋଟୋମୀ ବିଭାଗକୁ ମୃତଶରୀର ହସ୍ତାନ୍ତର କରିଛନ୍ତି ।
ସୁବାସ ଗଞ୍ଜାମ ଜିଲ୍ଲାର ଆସିକା, ପିତଳ, ଦିଗପହଣ୍ଡି , ଭଞ୍ଜନଗର, ମୁଜାଗଡ, ଜଗନ୍ନାଥପ୍ରସାଦ , ବାଲିପଦର ଆର୍.ଆଇ କାର୍ଯ୍ୟଳୟରେ ରାଜସ୍ବ ନିରୀକ୍ଷକ ଭାବରେ କାର୍ଯ୍ୟ କରି ଶେଷରେ ଗତ 2000 ମସିହାରେ ନିଜ କାର୍ଯ୍ୟରୁ ଅବସର ନେଇଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
