ବ୍ରହ୍ମପୁର: ବ୍ୟାଙ୍କ ଘରୋଇକରଣକୁ ବିରୋଧ ସହ ବିଭିନ୍ନ ଦାବୀ ନେଇ ବ୍ରହ୍ମପୁରରେ ବିକ୍ଷୋଭ କରିଛନ୍ତି ବ୍ୟାଙ୍କ କର୍ମଚାରୀ ଓ ଅଫିସର । ସହରର ଟାଟାବେଞ୍ଜ ଛକ ନିକଟସ୍ଥ ୟୁନିଅନ ବ୍ୟାଙ୍କ ରିଜନାଲ କାର୍ଯ୍ୟାଳୟ ସମ୍ମୁଖରେ ଆୟୋଜିତ ପ୍ରତିବାଦରେ କେନ୍ଦ୍ର ସରକାର ଏକାଦଶ ଦ୍ବିପାକ୍ଷିକ ମଜୁରୀ ରାଜିନାମାର ବୁଝାମଣା ପତ୍ରକୁ କର୍ମଚାରୀଙ୍କ ସ୍ବାର୍ଥରେ ସଂଶୋଧନ କରିବା ଦାବୀକୁ ତୁରନ୍ତ ପଦକ୍ଷେପ ନେବାକୁ ଦାବୀ କରାଯାଇଛି ।
ଏହି ଅବସରରେ ବ୍ୟାଙ୍କ ଶିଳ୍ପରେ ଚାଲୁ ରହିଥିବା ଏକାଦଶ ଦ୍ବିପାକ୍ଷିକ ମଜୁରୀ ସଂଶୋଧନ ରାଜିନାମାରେ ବ୍ୟାଙ୍କ ମାଲିକ ସଂଙ୍ଘ ସମସ୍ତ ପ୍ରକାର ଚଞ୍ଚକତା ଅବଲମ୍ବନ କରି ଉଭୟ ଚାକିରୀରେ ଥିବା କର୍ମଚାରୀ ଓ ଅବସରପ୍ରାପ୍ତ କର୍ମଚାରୀଙ୍କ ଭବିଷ୍ୟତକୁ ଅନ୍ଧାର ଭିତରକୁ ଠେଲି ଦେଇଛନ୍ତି ।
ବ୍ୟାଙ୍କ କର୍ମଚାରୀ ଓ ଅଫିସରଙ୍କ ମଜୁରୀ ସଂଶୋଧନ ଗତ ୨୦୧୭ ନଭେମ୍ବର ଠାରୁ ବକେୟା ହୋଇ ପଡିରହିଛି । ଏହାର ସମାଧାନ ପାଇଁ ଉଭୟ ସରକାର ଓ ବ୍ୟାଙ୍କ କର୍ତ୍ତୃପକ୍ଷଙ୍କ ଅବହେଳା କରୁଥିବା ବେଳେ କର୍ମଚାରୀମାନେ ପାଉଥିବା ସାମାନ୍ୟ ସ୍ବତନ୍ତ୍ର ଭତ୍ତାକୁ ମୂଳଦରମା ସହ ସାମିଲ କରିବା, ବେତନ ବୃଦ୍ଧିକୁ ନ୍ୟାୟ ସଙ୍ଗତ କରିବା, ରିଜର୍ଭ ବ୍ୟାଙ୍କ, ନାବାର୍ଡ ଅନୁସୃତ ନିୟମ ଅନୁଯାଇ ପେନସନର ନବୀକରଣ କରିବା ଓ ତଦନୁଯାୟୀ ଫ୍ୟାମିଲି ପେନସନ୍ ଯୋଗାଇ ଦେବା ଭଳି ଦାବୀ ସହିତ ସପ୍ତାହିକ 5 ଦିନିଆ କାର୍ଯ୍ୟ ଦିବସ କାର୍ଯ୍ୟକାରୀ କରିବାକୁ ଦାବୀ କରାଯାଇଛି ।
ଏପରିକି କୋରୋନା ରୂପକ ମହାମାରୀ ସମୟରେ ଦେଶର କର୍ପୋରେଟରଙ୍କ ଲକ୍ଷଲକ୍ଷ ଟଙ୍କା ଋଣ ଛାଡକୁ ବିରୋଧ କରାଯାଇଛି । ଏହି ଅବସରରେ କଣ କହୁଛନ୍ତି ଆନ୍ଦୋଳନରତ ବ୍ୟାଙ୍କ କର୍ମଚାରୀ ଆସନ୍ତୁ ଶୁଣିବା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
