ବ୍ରହ୍ମପୁର: ଗଞ୍ଜାମ ଜିଲ୍ଲାରେ ପୁଣି ଜଣେ କୋରୋନା ଯୋଦ୍ଧା ପୋଲିସ ଏସ୍.ଆଇ.ଙ୍କ କୋରୋନାରେ ଯାଇଛି ଜୀବନ । ଜିଲ୍ଲାର ତାରସିଂ ଥାନାରେ କାର୍ଯ୍ୟରତ ଥିବା ପୋଲିସ ଏଏସ୍ଆଇ ଶିବରାମ ଦାଶଙ୍କ ଚିକିତ୍ସାଧିନ ଅବସ୍ଥାରେ କୋରୋନାରେ ମୃତ୍ୟୁ ଘଟିଥିବା ବେଳେ ମଙ୍ଗଳବାର ଛତ୍ରପୁର ଠାରେ ତାଙ୍କର ପାର୍ଥିବ ଶରୀରକୁ ଜିଲ୍ଲା ପୋଲିସ ପକ୍ଷରୁ ଦିଆଯାଇଛି ଶେଷ ସମ୍ମାନ ।
ଛତ୍ରପୁର ଠାରେ ଗଞ୍ଜାମ ଆରକ୍ଷୀ ଅଧିକ୍ଷକ ବ୍ରିଜେଶ କୁମାର ରାଏଙ୍କ ଉପସ୍ଥିତିରେ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା । ମୃତ ଏଏସ୍ଆଇଙ୍କ ଘର ଛତ୍ରପୁର ବ୍ଲକ ଅନ୍ତର୍ଗତ ପୋଡ଼ପଦର ଗାଁ ରେ। ସ୍ଥାନୀୟ ସରପଞ୍ଚ ପିତାମ୍ବର ପଣ୍ଡା ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଦେଇଥିଲେ । ତାଙ୍କ ପରିବାର ପ୍ରତି ସମବେଦନା ଜଣାଇଥିଲେ।
ଆଗଧାଡିର ପୋଲିସ କୋରୋନା ଯୋଦ୍ଧାମାନେ ନିଜର କର୍ତ୍ତବ୍ୟ କରି ଆସୁଥିବା ବେଳେ ବର୍ତ୍ତମାନ ସୁଦ୍ଧା ଗଞ୍ଜାମ ପୋଲିସରେ କାର୍ଯ୍ୟରତ ଦୁଇ ଜଣ ପୋଲିସ ଏଏସ୍ଆଇ, ଜଣେ କନଷ୍ଟେବଳ, ଜଣେ ହୋମ ଗାର୍ଡ ଙ୍କ ମୃତ୍ୟୁ ଘଟିଥିବା ଦେଖାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
