ଗଞ୍ଜାମ: ବିଜେଡି ନେତା ସୁଧୀର ପାଢୀଙ୍କ କାର ଉପରକୁ ବୋମାମାଡ। ଗଞ୍ଜାମ ସହରର ସାନବଜାର ଛକରେ ଏହି ବୋମା ମାଡ଼ ହୋଇଛି । ଏକ ମୋଟର ସାଇକେଲରେ ଦୁଇ ଜଣ ଯୁବକ ଆସି ବୋମାମାଡ କରି ଫେରାର ହୋଇଯାଇଥିଲେ । ଏଥିରେ ସୁଧୀର ଓ ତାଙ୍କ ଡ୍ରାଇଭର ଗଣେଶ ବାରିକ ଗୁରୁତର ଆହତ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା ବ୍ରହ୍ଣପୁର
ପ୍ରଥମେ ତାଙ୍କୁ ଗଞ୍ଜାମ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ଅବସ୍ଥା ଅଧିକ ଗୁରୁତର ହେବାରୁ ପରେ ବ୍ରହ୍ମପୁର ଏମ୍.କେ.ସି.ଜି ମେଡିକାଲକୁ ସ୍ଥାନାନ୍ତର କରାଯାଇଛି। ସୁଧୀର ପୂର୍ବତନ ଗଞ୍ଜାମ ସାଂସଦଙ୍କ ପ୍ରତିନିଧି ରହିଛନ୍ତି । ତେଣୁ ପୂର୍ବ ରାଜନୈତିକ ଶତ୍ରୁତା ବୋମା ମାଡ଼ର କାରଣ ହୋଇଥାଇପାରେ ବୋଲି ଅନୁମାନ କରାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
