ବ୍ରହ୍ମପୁର: ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ । ଗଞ୍ଜାମ ଜିଲ୍ଲା ଅଗସ୍ତିନୂଆଗାଁ ଛକରେ ବୋମାମାଡ଼ ହୋଇଥିବା ସୂଚନା । ଏହି ବୋମାମାଡରେ ଜଣେ ବ୍ୟକ୍ତି ଆହତ ହୋଇଥିବା ବେଳେ ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନାଅନୁସାରେ, ଗତକାଲି(ଶନିବାର) ରାତିରେ ଆପାଚି ବାଇକରେ ତିନି ଜଣ ବ୍ୟକ୍ତି ଆସି ପ୍ରଥମେ ଜଣେ ଯୁବକ ଦୋକାନ ସମ୍ମୁଖରୁ ଗୋଟିଏ ବୋମା ଫିଙ୍ଗିଥିଲେ । ଦୁର୍ବୃତ୍ତମାନେ ଚାରୋଟି ବୋମା ଫିଙ୍ଗି ଥିବା ବେଳେ ସେଥିରୁ ଦୁଇଟି ବୋମା ଫୁଟିଥିଲା । ଫଳରେ ଦୋକାନ ମାଲିକ ରାମ ଗୌଡ ଆହତ ହୋଇଯାଇଥିଲେ । ପରେ ରାମଙ୍କୁ ଉଦ୍ଧାର କରାଯାଇ ଛତ୍ରପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଗଞ୍ଜାମ ଅଗସ୍ତିନୂଆଗାଁ ଛକରେ ଦୋକାନ ଉପରକୁ ବୋମାମାଡ଼
ବୋମାମାଡର ପ୍ରକୃତ କାରଣ ସ୍ପଷ୍ଟ ହୋଇନଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଳି ବୋମାମାଡ଼ ହୋଇଥିବା ଜଣାପଡିଛି । ଖବରପାଇ ଗଞ୍ଜାମ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଦୁଇଟି ଅଫୁଟା ବୋମା ଜବତ କରିବା ସହ ତଦନ୍ତ ଆରମ୍ଭ କରିଛି ।
ଇଟିଭି ଭାରତ, ଗଞ୍ଜାମ
