ବ୍ରହ୍ମପୁର: ଆଠ ଦଫା ଦାବି ନେଇ ତାତିଲା ଭବିଷ୍ୟନିଧି କର୍ମଚାରୀ ୟୁନିଅନ୍ । ଏନେଇ ବ୍ରହ୍ମପୁର ଠାରେ ବିକ୍ଷୋଭ ପ୍ରଦର୍ଶନ ସହ ଦିନିକିଆ କାର୍ଯ୍ୟବନ୍ଦ ଆନ୍ଦୋଳନ କରାଯାଇଛି । ଇପିଏଫ୍ କାର୍ଯ୍ୟାଳୟ ସମ୍ମୁଖରେ କର୍ମଚାରୀମାନେ ପ୍ଲାକାର୍ଡ ଧରି ବିକ୍ଷୋଭ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଗ୍ରୁଫ୍ ସି ଏବଂ ଡି କର୍ମଚାରୀଙ୍କ କ୍ୟାଡର ପୁନଃଗଠନରେ ସାମିଲ କରିବା ସହ ଏମାନଙ୍କ ପଦୋନ୍ନତି କରିବା, ଖାଲି ପଡିଥିବା ପଦବୀକୁ ପୂରଣ କରିବା, ମୃତ କର୍ମଚାରୀଙ୍କ ପରିବାର ମଧ୍ୟରୁ ଯୋଗ୍ୟ ପ୍ରାର୍ଥୀଙ୍କୁ ନିଯୁକ୍ତି ଦେବା ଭଳି ଦାବିକୁ ତୁରନ୍ତ ସରକାର ଦୃଷ୍ଟି ଦେବାକୁ ଦାବି କରିଛନ୍ତି ।
ଦୀର୍ଘଦିନ ଧରି କେନ୍ଦ୍ରୀୟ ଭବିଷ୍ୟନିଧି ଆୟୁକ୍ତଙ୍କ ନିକଟରେ ଏଭଳି ଦାବି କରାଯାଇ ଆସୁଥିଲେ ମଧ୍ୟ କର୍ତ୍ତୁପକ୍ଷ ସେମାନଙ୍କ ଦାବିକୁ ଗୁରୁତ୍ବ ଦେଉନଥିବା ଅଭିଯୋଗ କରିଛନନ୍ତି । ତେଣୁ ଏନେଇ ଭବିଷ୍ୟନିଧି କର୍ମଚାରୀଙ୍କ ମଧ୍ୟରେ କ୍ଷୋଭ ପ୍ରକାଶ ପାଇଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
