ବ୍ରହ୍ମପୁର: ଡାକ୍ତର ସୁମିତ ଏବଂ ତପସ୍ବିନୀଙ୍କ ଏକାଠି ରହିବା ଘଟଣା । ବ୍ରହ୍ମପୁର SDJM କୋର୍ଟଙ୍କ ପୂର୍ବ ରାୟକୁ ଚ୍ୟାଲେଞ୍ଜ କରି ଜିଲ୍ଲା କୋର୍ଟ ଗଲେ ସୁମିତ । ଏପଟେ SDJM କୋର୍ଟଙ୍କ ନିର୍ଦ୍ଦେଶକୁ ସୁମିତଙ୍କ ଅବମାନନା ଘଟଣାରେ ଦିଆଯାଇଥିବା ପିଟିସନର ରାୟ ଆଜି (ଶୁକ୍ରବାର) ପ୍ରକାଶ ପାଇବ ।
ତପସ୍ଵିନୀ ଓ ସୁମିତ ବିବାଦ ମାମଲାର କୋର୍ଟରେ ଶୁଣାଣି ରହିଥିବା ବେଳେ ୨ଟି ମାମଲାର ଆଜି କୋର୍ଟରେ ଶୁଣାଣି ହୋଇଥିଲା । ସେପଟେ ଉଭୟ ତପସ୍ଵିନୀ ଓ ସୁମିତ କୋର୍ଟରେ ହାଜର ହୋଇନଥିବା ବେଳେ ଉଭୟଙ୍କ ଓକିଲ ନିଜ ନିଜର ପକ୍ଷ ରଖିଥିଲେ।
ସୁମିତ କୋର୍ଟଙ୍କ ନିର୍ଦ୍ଦେଶକୁ ଅବମାନନା କରିବା ଓ ଭଡା ଘର ନୁହେଁ ବରଂ ସୁମିତ ତାଙ୍କୁ ନିଜ ଘରେ ରଖିବାକୁ ନେଇ ଏକ ପିଟିସନ ଦାଖଲ କରିଥିଲେ ତପସ୍ବିନୀ । ଏହି ୨ଟି ପିଟିସନର ଆଜି ଶୁଣାଣି ରହିଥିଲା । ସେପଟେ ପୂର୍ବରୁ ତଳ କୋର୍ଟ ରାୟକୁ ଅପିଲ କରିବା ସହ ଶୁଣାଣିକୁ ସ୍ଥଗିତ ରଖିବା ପାଇଁ ସୁମିତଙ୍କ ଓକିଲ ଜିଲ୍ଲା କୋର୍ଟଙ୍କୁ ଅନୁରୋଧ କରିଥିବା କହିଛନ୍ତି ।
ଏହା ବି ପଢନ୍ତୁ: Berhampur Couple Saga: ଆଜି ପିଟିସନର ଶୁଣାଣି, କୋର୍ଟରେ ପହଞ୍ଚିଲେ ତପସ୍ବିନୀ
ତେବେ ଜିଲ୍ଲା କୋର୍ଟ ତଳ କୋର୍ଟର ରାୟକୁ ସ୍ଥଗିତ ନ କରି ଆସନ୍ତା 27 ତାରିଖରେ ଶୁଣାଣି କରିବା ପାଇଁ ନିର୍ଦ୍ଦେଶ ଦେଇଥିବା ସୂଚନା ଦେଇଛନ୍ତି ସୁମିତଙ୍କ ଆଇନଜୀବୀ । ଅନ୍ୟପଟେ ସୁମିତ ମାସିକ ଦେଢ ଲକ୍ଷ ଟଙ୍କା ଦରମା ପାଉଥିବା ବେଳେ ତପସ୍ବିନୀଙ୍କୁ ନିଜ ଘରକୁ ନେବା ପର୍ଯ୍ୟନ୍ତ ତପସ୍ଵିନୀଙ୍କୁ ମାସିକ 50 ହଜାର ଟଙ୍କା ପ୍ରଦାନ କରାଯାଉ ବୋଲି କୋର୍ଟରେ ଦାବି କରିଛନ୍ତି ତପସ୍ବିନୀଙ୍କ ଓକିଲ ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ
