ବ୍ରହ୍ମପୁର: ରାଜ୍ୟରେ ଉପର ମୁହାଁ ରହିଛି କୋରୋନା ଗ୍ରାଫ । ବଢି ଚାଲିଛି ସଂକ୍ରମଣ । କୋରୋନା ଉପରେ ଲଗାମ ଲଗାଇବାକୁ ସମସ୍ତ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ବନ୍ଦ କରିବାକୁ ବାଧ୍ୟ ହୋଇଥିଲେ ସରକାର । ଏପରିକି ବିଭିନ୍ନ ଗୁରୁତ୍ବପୂର୍ଣ୍ଣ ପରୀକ୍ଷା ମଧ୍ୟ ବାତିଲ କରାଯାଇଛି । ଆଉଏଭଳି ସମୟରେ ଘରୋଇ କୋଚିଂ ସେଣ୍ଟରଗୁଡିକୁ ବନ୍ଦ ରଖିବା ପାଇଁ ନିର୍ଦ୍ଧେଶ ମଧ୍ୟ ଦିଆଯାଇଥିଲା । ହେଲେ ସରକାରୀ ନିୟମକୁ ଉଲ୍ଲଂଘନ କରି ବ୍ରହ୍ମପୁର ସହରରେ ଚାଲିଥିବା ତିନୋଟି ଘରୋଇ କୋଚିଂ ସେଣ୍ଟରକୁ ସିଲ କରିଛି ପ୍ରଶାସନ ।
ପ୍ରଶାସନ ପକ୍ଷରୁ କୋଚିଂ ସେଣ୍ଟରରେ ଚଢାଉ କରାଯାଇଥିଲା । ଅଫ୍ ଲାଇନ୍ ମାଧ୍ୟମରେ କୋଚିଂ ସେଣ୍ଟରରେ ପାଠ ପଢାଯାଉଥିବା ନେଇ 3ଟି ସେଣ୍ଟରକୁ ସିଲ୍ କରିଛି ମହାନଗର ନିଗମର ଏନଫୋରସମେଣ୍ଟ ଟିମ୍ ।
ହିଲପାଟଣା ତୃତୀୟ ଲାଇନରେ ରହିଥିବା ଗେଟ୍ ପଏଣ୍ଟ , କେ.କେ.ଗ୍ରାଉଣ୍ଡ ନିକଟରେ ରହିଥିବା ଭିବେକ ଟ୍ୟୁଟରିଆଲ ଏବଂ କମସ ପ୍ଲେସକୁ ସିଲ କରାଯାଇଥିବା ବ୍ରହ୍ମପୁରର କମିଶନର ସିଦ୍ଧେଶ୍ବର ବଳୀରାମ ବନ୍ଦୋର ସୂଚନା ଦେଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ
