ବ୍ରହ୍ମପୁର: ତେଲ କଡେଇରେ ପଡି ଗୁରୁତର ହୋଇଥିବା ଶିବଶଙ୍କରକୁ ଅଧିକ ଚିକିତ୍ସା ପାଇଁ ଏମକେସିଜିକୁ ସ୍ଥାନାନ୍ତର କରାଯାଇଛି । ଜିଲ୍ଲା ସ୍ବାସ୍ଥ୍ୟ ବିଭାଗରୁ ଅଧିକ ଚିକିତ୍ସା ପାଇଁ ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଉଥିବା ସୂଚନା ଦିଆଯାଇଛି ।
ଗତ ୧୫ ଦିନ ଧରି ବ୍ରହ୍ମପୁର ସହରର ନଗର ଚିକିତ୍ସାଳୟରେ ଚିକିତ୍ସିତ ହେଉଥିଲେ ଶିବଶଙ୍କର । ତେବେ ସେ ଜୀବନ ବଞ୍ଚାଇବା ପାଇଁ କିଭଳି ସଂଗ୍ରାମ ଜାରି ରଖିଛନ୍ତି ସେହି ଘଟଣା ଗଣମାଧ୍ୟମରେ ପ୍ରକାଶିତ ହେବା ପରେ ପ୍ରଶାସନ ତତ୍ପର ପ୍ରକାଶ କରିଛି । ଏଭଳି ସ୍ଥିତିରେ ଶିବଶଙ୍କରଙ୍କୁ ତାଙ୍କ ପତ୍ନୀ ପର କରିଦେଇ ଚାଲିଯିବା ପରେ ସହାୟତା ପାଇଁ ଆଗକୁ ଆସିଛନ୍ତି କିଛି ଯୁବକ । ବିଭିନ୍ନ ସଙ୍ଗଠନ ପକ୍ଷରୁ ତାଙ୍କୁ ଆର୍ଥିକ ସହୟତା ଯୋଗାଇ ଦିଆଯାଇଛି ।
ସୂଚନା ଅନୁଯାୟୀ, ଗଜପତି ଜିଲ୍ଲାର ଏକ ହୋଟେଲରେ କାର୍ଯ୍ୟ କରୁଥିବା ସମୟରେ ତତଲା ତେଲ କଡେଇରେ ପଡିଯାଇଥିଲେ ଶିବଶଙ୍କର । ଚିକିତ୍ସା ପାଇଁ ତାଙ୍କୁ ବ୍ରହ୍ମପୁର ନଗର ଚିକିତ୍ସାଳୟରେ ଚିକିତ୍ସା କରାଯାଉଥିଲା । ହେଲେ ଏବେ ଅଧିକ ଚିକିତ୍ସା ପାଇଁ ତାଙ୍କୁ ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
