ଭଞ୍ଜନଗର : ଥାନାରେ ଅଟକ ଥିବା ଯୁବକର ଆତ୍ମହତ୍ୟା ଉଦ୍ୟମ । ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଲଣ୍ଡେଇସାହିର ମିଟୁ ସାହୁକୁ ପୁରୁଣା ମାମଲାର ୱାରେଣ୍ଟ ବଳରେ ପୋଲିସ ଗତ ଶୁକ୍ରବାର ଠାରୁ ଆଣି ଥାନାରେ ଅଟକ ରଖିଥିଲା । ଥାନାରେ ମିଟୁ ଅଟକ ରହିଥିବାବେଳେ ତା ପରିବାର ସହିତ ସାକ୍ଷାତ କରାଇ ଦେଉନଥିଲା ପୋଲିସ । ଯାହାଫଳରେ ଆଜି ମିଟୁ କିଛି ବିଷାକ୍ତ ପଦାର୍ଥ ଖାଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲା ।
ଥାନାରେ ଅଟକ ଥିବା ଯୁବକର ଆତ୍ମହତ୍ୟା ଉଦ୍ୟମ
ଏନେଇ ମିଟୁକୁ ଗୁରୁତର ଅବସ୍ଥାରେ ପୋଲିସ ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ । ସେଠାରେ ମିଟୁର ଫୁଡ ପଏଜନ ହୋଇଥିବା ପୋଲିସ କହିଥିଲେ। ସେପଟେ ମିଟୁର ଭଉଣୀ ଆଣିଛନ୍ତି ଗୁରୁତର ଅଭିଯୋଗ । ମୋ ଭାଇକୁ ଯଦି ପୁରୁଣା ମାମଲାର ୱାରେଣ୍ଟରେ ଆଣିଲ ତାହେଲେ କୋର୍ଟକୁ ନପଠାଇ ଏତେଦିନ କାହିଁକି ଥାନାରେ ରଖିଛି । ପରିବାରର ଲୋକଙ୍କୁ ସାକ୍ଷାତ କରିବାକୁ ଦେଉନାହାନ୍ତି କାହିଁକି । ଯଦି ମୋ ଭାଇର କିଛି ଅଘଟଣ ହୁଏ ତାହେଲେ ପୋଲିସ ଦାୟୀ ରହିବ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
