ବ୍ରହ୍ମପୁର: କୋରୋନାକୁ ନେଇ ଜାରି ରହିଛି ଲକଡାଉନ । ଏଭଳି ସମୟରେ ରାଜ୍ୟର ସମସ୍ତ ସରକାରୀ ମଦ ଦୋକାନ ସିଲ କରାଯାଇଛି । ଚୋରା ମଦ କାରବାର ବନ୍ଦ କରିବା ସହ ଏଥିପ୍ରତି ଦୃଷ୍ଟି ଦେବାକୁ ଜିଲ୍ଲା ପ୍ରଶାସନ ପକ୍ଷରୁ ବାରମ୍ବାର ତାଗିଦ କରାଯାଉଛି । ଏହା ସହ ଜିଲ୍ଲାପାଳ ମାଜିଷ୍ଟ୍ରେଟ ମାନଙ୍କୁ ନେଇ ଚଢ଼ାଉ କରିବାକୁ ପରାମର୍ଶ ଦେଇଛନ୍ତି ।
ହେଲେ ଏଭଳି ସମୟରେ ପୋଲିସ ଓ ଅବକାରୀ ବିଭାଗକୁ ଚକମ୍ମା ଦେଖାଇ ଚାଲିଛି ମଦ ବ୍ୟବସାୟ । ସୋମବାର ବ୍ରହ୍ମପୁର ସହରର ଆନନ୍ଦ ନଗର ସାହିରେ ସ୍ଥାନୀୟ ତହସିଲଦାରଙ୍କ ଉପସ୍ଥିତିରେ ଅବକାରୀ ବିଭାଗର ମୋବାଇଲ ଏବଂ ସଦର ଟିମ ଚଢ଼ାଉ କରି ବିପୁଳ ପରିମାଣର ମଦ ଜବତ କରିଛି । ଏହାସହ ବିପୁଳ ପରିମାଣର ବିଦେଶୀ ମଦକୁ ଘରେ ରଖି ଚୋରାରେ ବିକ୍ରି କରୁଥିବା ଅଭିଯୋଗରେ ଜଣେ ମହିଳାଙ୍କୁ ଗିରଫ କରାଯାଇଛି ।
ତେବେ ଦେଶରେ ଚାଲିଥିବା ଦ୍ବିତୀୟ ପର୍ଯ୍ୟାୟ ଲକଡାଉନ୍ ସମୟରେ ସରକାରଙ୍କ ପକ୍ଷରୁ ମଦ ବିକ୍ରି ବନ୍ଦ ରହିଥିବାରୁ ଆଗକୁ ଏଭଳି ମିଳିତ ଚଢାଉ ଜାରି ରହିବ ବୋଲି ସୂଚନା ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
