ବାରିପଦା: ମୟୂରଭଞ୍ଜ ଜିଲ୍ଲା ଦେଇ ଯାଇଥିବା ମୁମ୍ବାଇ-କଲକାତା ୪୯ ନମ୍ବର ଜାତୀୟ ରାଜପଥର ବାଙ୍ଗିରିପୋଷି ଦ୍ବାରଶୁଣି ଘାଟି ରାସ୍ତା ପାଲଟିଛି ଡେଥ୍ ଜୋନ । ପ୍ରତ୍ୟେକ ଦିନ ଛୋଟବଡ଼ ଦୁର୍ଘଟଣା ଘଟି ଅନେକ ଧନଜୀବନ ନଷ୍ଟ ହେଲାଣି। ଦ୍ବାରଶୁଣି ଘାଟି ରାସ୍ତା ସମ୍ପ୍ରସାରଣ ଦାବିରେ ଆଜି ବାଙ୍ଗରିପୋଷି ସଚେତନ ନାଗରିକ ମଞ୍ଚ ପକ୍ଷରୁ ବାଙ୍ଗରିପୋଷି ଠାରେ ୧୨ ଘଣ୍ଟିଆ ଜାତୀୟ ରାଜପଥ ଅବରୋଧ କରିଛନ୍ତି ।
ରାଜପଥ ଅବରୋଧ ଫଳରେ ସମ୍ପୂର୍ଣ୍ଣ ଠପ ହୋଇ ଯାଇଥିବାବେଳେ ଉଭୟ ପଟେ ଶହଶହ ଗାଡି ଅଟକି ରହିଛି। ଯାତ୍ରୀମାନେ ନାନା ସମସ୍ୟାର ସମ୍ମୁଖୀନ ହେଉଛନ୍ତି । ତେବେ ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁଯାୟୀ ୨୦୧୪ ମସିହାରୁ ୨୦୨୦ ଅକ୍ଟୋବର ସୁଦ୍ଧା ଘାଟିରାସ୍ତାରେ ୯୦ଟି ଦୁର୍ଘଟଣା ଘଟିଥିବାବେଳେ ୪୪ ଜଣ ଯାତ୍ରୀ ପ୍ରାଣ ହରାଇଛନ୍ତି ଏବଂ ୬୩ଜଣ ଗୁରୁତର ହୋଇଛନ୍ତି । ଛୋଟବଡ଼ ମୋଟ ୯୦ଟି ଗାଡି ସମ୍ପୂର୍ଣ୍ଣ ନଷ୍ଟ ହେଇଯାଇଛି । ଏହି ଘାଟି ଶିମିଳିପାଳ ଜୈବମଣ୍ଡଳ ଭିତରେ ଯାଉଥିବାରୁ ରାସ୍ତା ସମ୍ପ୍ରସାରଣରେ ବାଧା ଉପୁଜୁଛି ବୋଲି ମଧ୍ୟ ଚର୍ଚ୍ଚା ହେଉଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
