ଭୁଶୁଡିଲା ମାଟି କାନ୍ଥ, ଚାପି ହୋଇ ବୃଦ୍ଧ ମୃତ

ବାଲେଶ୍ବର ସୋର ଥାନା ଅଞ୍ଚଳରେ ମାଟି କାନ୍ଥ ଭୁଶୁଡି ବୃଦ୍ଧଙ୍କ ମୃତ୍ୟୁ । ଅଧିକ ପଢନ୍ତୁ...

ବାଲେଶ୍ବର: ସୋର ଥାନା ବାଳଙ୍ଗ ପଞ୍ଚାୟତ ରେଓଦା ଗ୍ରାମରେ କାନ୍ଥ ପଡି ଜଣେ ବୃଦ୍ଧଙ୍କ ମୃତ୍ୟୁ ହୋଇଛି । ବୃଦ୍ଧଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଛି । ମୃତ ବୃଦ୍ଧଙ୍କ ନାମ ବଟକୃଷ୍ଣ ବେହେରା ବୋଲି ଜଣାପଡିଛି ।

ସୂଚନା ଅନୁସାରେ, ବଟକୃଷ୍ଣ ଆଜି ସକାଳେ ନିଜ ପୁରୁଣା ମାଟି ଘର ନିକଟରେ କାମ କରୁଥିବାବେଳେ ହଠାତ୍ ତାଙ୍କ ଉପରେ କାନ୍ଥ ଭୁଶୁଡି ପଡିଥିଲା । ଫଳରେ ମାଟି ଅତଡାରେ ପୋତି ହୋଇପଡିଥିଲେ ବଟକୃଷ୍ଣ । ଚିତ୍କାର ଶୁଣି ପରିବାର ଏବଂ ଗ୍ରାମବାସୀ ପହଞ୍ଚି ତାଙ୍କୁ ମାଟି ଆଡେଇ ଉଦ୍ଧାର କରି ଗୁରୁତର ଅବସ୍ଥାରେ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ