ବାଲେଶ୍ଵର: ଜିଲ୍ଲା ସଦର ଥାନା ଅଧୀନ ନିଧିପଣ୍ଡା ଛକ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ 2ଜଣ ଗୁରୁତର ଆହତ ହୋଇଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ବୈସିଙ୍ଗା ଥାନା ତାଳପଦା ଗାଁର ସେକ ଲିୟାକତ୍ ଓ ଶିବ ସିଂ ଏକ ବାଇକରେ ଯଶୀପୁର ଆସୁଥିଲେ। ତେବେ ବିପରୀତ ଦିଗରୁ ଚାନ୍ଦିପୁର ଥାନା ସୋଲପଟା ଅଞ୍ଚଳର ସନାତନ ବେହେରା ନିଜ ବାଇକରେ ଆସୁଥିଲେ। ଉଭୟଙ୍କ ମଧ୍ୟରେ ମୁହାଁମୁହିଁ ଧକ୍କା ହେବା ଯୋଗୁଁ 3ଜଣ ଗୁରୁତର ହୋଇ ପଡ଼ିଥିଲେ । ସେଠାରେ ଉପସ୍ଥିତ ଲୋକମାନେ ଗୁରୁତର ମାନଙ୍କୁ ବାଲେଶ୍ଵର ମୁଖ୍ୟ ଚିକିତ୍ସାଳୟକୁ ପଠାଯାଇଥିଲା ।
ଡାକ୍ତରଖାନାରେ ସେକ ଲିୟାକତଙ୍କୁ ଡାକ୍ତର ମୃତ ଘୋଷଣା କରିଥିଲେ। ଅନ୍ୟ ଦୁଇଜଣ ଏବେ ଗୁରୁତର ଅବସ୍ଥାରେ ଚିକିତ୍ସିତ ହେଉଥିବା ଜଣାପଡିଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
