ବାଲେଶ୍ବର: ଭୁଲ ଇଞ୍ଜେକ୍ସନ ଯୋଗୁଁ ଜଣେ 12 ବର୍ଷର ନାବାଳକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ସିମୁଳିଆ ଥାନା ଅଡା ଗ୍ରାମରେ।
ଭୁଲ ଇଞ୍ଜେକ୍ସନ ଯୋଗୁଁ ନାବାଳକର ମୃତ୍ୟୁ ଅଭିଯୋଗ
ଅଭିଯୋଗ ଅନୁସାରେ, ଟୁନା ସାହାଣୀଙ୍କ ପୁଅ ଅମିତଙ୍କ ବାନ୍ତି ହେବାରୁ ତାଙ୍କୁ ଅଡ଼ା ବଜାରରେ ଥିବା ଏକ ଘରୋଇ ମେଡ଼ିସିନ ଷ୍ଟୋରକୁ ପରିବାର ଲୋକେ ନେଇଥିଲେ ।
ସେଠାରେ ଅମିତଙ୍କୁ ଏକ ଇଞ୍ଜେକ୍ସନ ଦେବାପରେ ସେ ଶୋଇଯାଇଥିଲେ। ଦୀର୍ଘ ସମୟ ଧରି ଅମିତ ନଉଠିଥିବାରୁ ତାଙ୍କୁ ସିମୁଳିଆ ମେଡ଼ିକାଲ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହାକୁ ନେଇ ପରିବାର ଲୋକେ ଭୁଲ ଇଞ୍ଜେକ୍ସନ ଯୋଗୁଁ ଅମିତଙ୍କ ମୃତ୍ୟୁ ହୋଇଥିବା ଅଭିଯୋଗ କରି ଉକ୍ତ ମେଡ଼ିସିନ ଷ୍ଟୋର ନାଁରେ ସିମୁଳିଆ ଥାନାରେ ଏତଲା ଦେଇଥିବା ଜଣାପଡିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
