ମୁମ୍ବାଇ: ଦୁର୍ବଳ ହେଲା ଟଙ୍କା । ଗୁରୁବାର ବିଦେଶୀ ମୁଦ୍ରା ବିନିମୟ ବଜାରରେ ଡଲାର ତୁଳନାରେ ଟଙ୍କା 5 ପଇସା ହ୍ରାସ ପାଇଛି । ଫଳରେ ଡଲାର ତୁଳନାରେ ଟଙ୍କା ଦୁର୍ବଳ ହୋଇ 74.37ରେ ବନ୍ଦ ହୋଇଛି ।
ଡଲାରର ବିନିମୟ ମୂଲ୍ୟ ବୃଦ୍ଧି ଏବଂ ଅଶୋଧିତ ତୈଳ ଦର ବୃଦ୍ଧି ଯୋଗୁଁ ଗୁରୁବାର କାରବାର ଆରମ୍ଭରେ ଡଲାର ତୁଳନାରେ ଭାରତୀୟ ମୁଦ୍ରା 5 ପଇସା ହ୍ରାସ ପାଇଛି ।
ଅନ୍ତଃବ୍ୟାଙ୍କ ବିଦେଶୀ ମୁଦ୍ରା ବିନିମୟ ବଜାରରେ ଡଲାର ତୁଳନାରେ ଟଙ୍କା 74.32ରେ ଖୋଲିଥିଲା । ହେଲେ ପୂର୍ବ କାରବାର ତୁଳନାରେ ଗୁରୁବାର ଟଙ୍କା 5 ପଇସା ହ୍ରାସ ପାଇ 74.37ରେ ବନ୍ଦ ହୋଇଛି ।
ଏନେଇ ଏକ ରିସର୍ଚ୍ଚ ବିବୃତ୍ତିରେ ରିଲିଏନ୍ସ ସିକ୍ୟୁରିଟି କହିଛି ଯେ, କୋଭିଡ-19 ମାମଲା ବଢୁଥିବାରୁ ଲୋକ ରିସ୍କ ନେବାକୁ ଚାହୁଁ ନାହାନ୍ତି । ଡଲାର ତୁଳନାରେ ଏସୀୟ ମୁଦ୍ରା ଆଜି ସକାଳୁ ଦୁର୍ବଳ ହେବାରେ ଲାଗିଛି । ଯାହାର ପ୍ରଭାବ ଲୋକାଲ ୟୁନିଟ ଉପରେ ମଧ୍ୟ ପଡିପାରେ । ଫଳରେ ଡଲାର ତୁଳନାରେ ଆଜି ଟଙ୍କା ମୂଲ୍ୟରେ ହ୍ରାସ ଦେଖାଯାଇଛି ।
ବୈଶ୍ବିକ ତେଲ ବେଞ୍ଚମାର୍କ ବ୍ରେଣ୍ଟ କ୍ରୁଡ 0.49 ପ୍ରତିଶତ ବଢି ବ୍ୟାରେଲ ପ୍ରତି 75.13 ଡଲାର ରହିଛି ।
@PTI
