ମୁମ୍ବାଇ : ଘରୋଇ ସେୟାର ବଜାରରେ ଭାରୀ ହ୍ରାସ ଓ ଡଲାର ମଜବୁତ ମଧ୍ୟରେ ଦୁର୍ବଳ ହୋଇଛି ଟଙ୍କାର ମୁଲ୍ୟ । ମଙ୍ଗଳବାର ଡଲାର ତୁଳନାରେ ଟଙ୍କା 23 ପଇସା ହ୍ରାସ ପାଇ 75.42 ପଇସାରେ ବନ୍ଦ ହୋଇଛି ।
ବିଦେଶୀ ମୁଦ୍ରା ବଜାରରେ ଡଲାର ତୁଳନାରେ ଟଙ୍କା 75.33ରେ କାରବାର ଆରମ୍ଭ କରିଥିଲା । ପରେ ପୁଣି ପୂର୍ବ ବନ୍ଦ ସ୍ତରଠାରୁ 23 ପଇସା କମି 75 ଟଙ୍କା 42 ପଇସାରେ ବନ୍ଦ ହୋଇଛି । ପ୍ରକାଶ ଯେ, ସୋମବାର ଡଲାର ତୁଳନାରେ ଟଙ୍କା 75.19 ଟଙ୍କାରେ ବନ୍ଦ ହୋଇଥିଲା ।
4 ଘଣ୍ଟାର କାରବାର ମଧ୍ୟରେ ଘରୋଇ ମୁଦ୍ରା ଡଲାର ତୁଳନାରେ 75.28 ର ସର୍ବୋଚ୍ଚ ସ୍ତର ଓ 75.49 ର ସର୍ବନିମ୍ନ ସ୍ତର ଛୁଇଁଛି । ମୁଦ୍ରା କାରୋବାରୀଙ୍କ ଅନୁସାରେ ଅନ୍ୟ ବୈଶ୍ବିକ ମୁଦ୍ରା ତୁଳନାରେ ଆମେରିକା ଡଲାରରେ ସୁଧାର ଆସିଛି । ଫଳରେ ଟଙ୍କା ମୁଲ୍ୟ କମିଛି । ଯଦିଓ ଅଶୋଧିତ ତୈଳ ଦାମ ସ୍ଥିର ଯୋଗୁଁ ଟଙ୍କାକୁ ସମର୍ଥନ ମିଳିଛି କିନ୍ତୁ ଆମେରିକା ଓ ଚୀନ ବିବାଦ ମଧ୍ୟରେ ନିବେଶଙ୍କ ରିସ୍କ ନେବାକୁ ଚାହୁଁନାହାନ୍ତି ।
