ନୂଆଦିଲ୍ଲୀ: ଦରଦାମରେ ହ୍ରାସ ବୃଦ୍ଧି ଓ କୋରୋନା ସଙ୍କଟ ମଧ୍ୟରେ ଅର୍ଥନୀତି ଅନିଶ୍ଚିତତା ଆଡକୁ ଠେଲି ହୋଇଯାଇଛି । ଏଥିପାଇଁ ଜାନୁଆରୀ ମାର୍ଚ୍ଚ ତ୍ରୈୟମାସରେ ଦେଶରେ ସୁନା ଚାହିଦା 36 ପ୍ରତିଶତ ହ୍ରାସ ହୋଇଛି ।
ତ୍ରୈୟମାସ ଶେଷ ସୁଦ୍ଧା ଦେଶବ୍ୟାପି ଲକଡାଉନ ଜାରି କରାଯାଇଥିବା ମଧ୍ୟରେ ସୁନା ଚାହିଦା 101.9 ଟନ ରହିଛି । ବିଶ୍ବ ସ୍ବର୍ଣ୍ଣ ପରିଷଦ(ଡବ୍ଲୁଜିସି)ର ସଦ୍ୟ ରିପୋର୍ଟ ଅନୁସାରେ,‘ଗହଣା ଓ ନିବେଶ ଉଭୟ କ୍ଷେତ୍ରରେ ସୁନା ଚାହିଦା କମିଛି । ଯେବେ ଯାଏଁ କାରିଗର ପୁଣି କାମକୁ ଫେରିନାହାନ୍ତି କି ଯୋଗାଣ ଆରମ୍ଭ କରି ନାହାନ୍ତି, ସେବେ ଯାଏଁ ସ୍ଥିତି ଚ୍ୟାଲେଞ୍ଜିଙ୍ଗ ରହିବ ।’
ତଥ୍ୟ ଅନୁସାରେ ଦେଶର ସୁନା ଚାହିଦା 37,580 କୋଟି ଟଙ୍କା ରହିଛି । ଯାହାକି 2019 ଆଲୋଚ୍ୟ ତ୍ରୈୟମାସରେ 47,000 କୋଟି ଟଙ୍କା ତୁଳନାରେ 20 ପ୍ରତିଶତ କମ । ପରିଷଦର ଭାରତୀୟ ପରିଚାଳନାର ପ୍ରବନ୍ଧକ ନିର୍ଦ୍ଦେଶକ ସୋମସୁନ୍ଦର ପିଆର କହିଛନ୍ତି କି, ଏହି ତ୍ରୈୟମାସରେ ଘରୋଇ ବଜାରରେ ସୁନା ଦାମ ଅଧିକ ଉଛୁଳିଥିବା ଦେଖିବାକୁ ମିଳିଛି ।
10 ଗ୍ରାମ ସୁନା ଦାମ ପାଖାପାଖି 25 ପ୍ରତିଶତ ବୃଦ୍ଧି ପାଇ 36,875 ଟଙ୍କାରେ ପହଞ୍ଚିଯାଇଛି । ଗତ ବର୍ଷ ଏହି ଅବଧିରେ ଦାମ 29,555 ଟଙ୍କା ରହିଥିଲା । ତେବେ ଏଥର ସୁନା ଚାହିଦା ହ୍ରାସ ହେବା ନେଇ ଅନେକ କାରଣ ରହିଥିବା ନେଇ ପିଆର ଜଣାଇଛନ୍ତି ।
@ପିଟିଆଇ
