ନୂଆଦିଲ୍ଲୀ: ଆହୁରି ବଢିଲା ସୁନା ଦାମ । ଲଗାତାର 3 ଦିନ ଧରି ସୁନା ଦର ବୃଦ୍ଧି ପାଇ 39 ହଜାର ଛୁଇଁବା ଉପରେ । ସେପଟେ ରୂପା ମଧ୍ୟ କିଲୋ ପିଛା 45 ହଜାର ପାର କଲାଣି । ଡଲାର ତୁଳନାରେ ଟଙ୍କାର ବିନିମୟ ମୁଲ୍ୟ ହ୍ରାସ ପାଉଥିବାରୁ ଗହଣା ମହଙ୍ଗା ହେଉଛି ।
ଗୁରୁବାର 10 ଗ୍ରାମ ସୁନାର ଦର 150 ଟଙ୍କା ବୃଦ୍ଧି ପାଇ 38 ହଜାର 970ରେ ପହଞ୍ଚିଥିଲା । ସେହିପରି ରୂପା ମଧ୍ୟ କିଲୋପିଛା 60 ଟଙ୍କା ବଢି 45 ହଜାର 100 ଛୁଇଁଛି । ସର୍ବଭାରତୀୟ ସର୍ଫରା ସଂଘ ପକ୍ଷରୁ ଏ ନେଇ ରିପୋର୍ଟ ପ୍ରକାଶ ପାଇଛି ।
99.9 ପ୍ରତିଶତ ଏବଂ 99.5 ପ୍ରତିଶତ ଶୁଦ୍ଧତା ବିଶିଷ୍ଟ ସୁନା ଯଥାକ୍ରମେ 150 ଟଙ୍କା ଲେଖାଏଁ ବଢି 38, 970 ଓ 38,820 ଟଙ୍କା ରହିଛି ।
ସୂଚନା ଅନୁଯାୟୀ, ଗୁରୁବାର ଡରାର ତୁଳନାରେ ଟଙ୍କାର 25 ପଇସା ଖସିଛି । ଯାହା ଫଳରେ ଟଙ୍କାର ବିନିମୟ ମୁଲ୍ୟ 71 ଟଙ୍କା 81 ପଇସା ରହିଛି । ଯାହାକି 6 ମାସର ରେକର୍ଡ ଭାଙ୍ଗି ସର୍ବନିମ୍ନ ସ୍ତରରେ ପହଞ୍ଚିଛି ।
