ନୂଆଦିଲ୍ଲୀ: କୋରୋନା ଭାଇରସ ସଂକ୍ରମଣ ବୃଦ୍ଧି ସହ ଶସ୍ତା ହେଲା ଅଶୋଧିତ ତୈଳ ଦାମ । ବୁଧବାର ଅଶୋଧିତ ତୈଳ ଦାମ ହ୍ରାସ ପାଇ 18 ବର୍ଷର ସର୍ବନିମ୍ନ ସ୍ତରରେ ପହଞ୍ଚିଛି । ଯେତେବେଳେ କି ଭାରତୀୟ ବଜାରରେ ଅଶୋଧିତ ତୈଳ ଦାମ ବ୍ୟାରେଲ ପିଛା 1,672 ଟଙ୍କା ଅର୍ଥାତ ଲିଟର ପ୍ରତି 10.51 ଟଙ୍କା କମିଛି ।
ମଲ୍ଟି କମୋଡିଟି ଏକ୍ସଚେଞ୍ଜ (ଏମସିଏକ୍ସ) ରେ ଅଶୋଧିତ ତୈଳ ଦାମ ବ୍ୟାରେଲ ପିଛା 400 ଟଙ୍କା କମି 1,695 ଟଙ୍କାରେ କାରବାର କରୁଛି । ଏହା ପୂର୍ବରୁ ଏହାର ଦାମ 1,695 ଟଙ୍କା କମିଥିଲା ।
ଏକ ବ୍ୟାରେଲରେ 159 ଲିଟର ଅଶୋଧିତ ତେଲ ଥାଏ | ଏହା ଅନୁଯାୟୀ ନୂଆ ଦରରେ ଭାରତରେ ଏକ ଲିଟର ଅଶୋଧିତ ତୈଳ ଦାମ ଏବେ 10.51 ଟଙ୍କା ହେବ ।
କୋରୋନା ଭାଇରସ ସଂକ୍ରମଣରୁ ବର୍ତ୍ତିବା ପାଇଁ ଏବେ ହେଉଥିବା ବାରଣ ଯୋଗୁଁ ଆଗକୁ ଚାହିଦା ଆହୁରୀ ହ୍ରାସ ପାଇବ ବୋଲି କୁହାଯାଇଛି । ଫଳରେ ବ୍ୟାରେଲ ପିଛା ଅଶୋଧିତ ତୈଳ ଦାମ 20 ଡଲାରକୁ ଖସିପାରେ ବୋଲି ବିଶେଷଜ୍ଞ ମତ ଦେଇଛନ୍ତି ।
