ନୂଆଦିଲ୍ଲୀ: ଆପଣ ପାନ୍ କାର୍ଡ ସହ ଆଧାର କାର୍ଡର ଲିଙ୍କ କରିନାହାଁନ୍ତି କି ? ତେବେ ଟେନସନ ନିଅନ୍ତୁ ନାହିଁ। ପୁଣି 6 ମାସ ବଢିଲା ପାନ୍-ଆଧାର ସଂଯୋଗ ଅବଧି। ଏହା ଦ୍ବାରା କରଦାତା ନିଜ ସୁବିଧା ଅନୁଯାୟୀ ସେପ୍ଟେମ୍ବର 30 ପର୍ଯ୍ୟନ୍ତ ପାନକୁ ଆଧାର ସହ ଯୋଡିପାରିବେ। କେନ୍ଦ୍ରୀୟ ପ୍ରତ୍ୟକ୍ଷ ବୋର୍ଡ (ସିବିଡିଟି) ପକ୍ଷରୁ ଏ ନେଇ ବିବୃତ୍ତି ପ୍ରକାଶ ପାଇଛି ।
ଏହା ପୂର୍ବରୁ ମାର୍ଚ୍ଚ31 ଥିଲା ଶେଷ ତାରିଖ। ତେବେ କରଦାତାଙ୍କ ସୁବିଧାକୁ ନଜରରେ ରଖି ବୋର୍ଡ ଏ ନେଇ ନିଷ୍ପତ୍ତି ନେଇଛି । ଏଥିସହ ସରକାର ଲଗାତାର 6 ଥର ଧରି ପାନ୍- ଆଧାର ଲିଙ୍କ ଡେଡଲାଇନକୁ ବଢାଇଦେଇଛନ୍ତି ।
ତେବେ ଏପ୍ରିଲ ପହିଲାରୁ ଆୟକର ରିଟର୍ଣ୍ଣ ଭରିବାକୁ ହେଲେ ଆଧାର ନମ୍ବର ଓ ଲିଙ୍କ ଅନିବାର୍ଯ୍ୟ ରହିବ।ପ୍ରକାଶ ଥାଉ ଯେ, ମାର୍ଚ୍ଚ 31 ସୁଦ୍ଧା ପାନକୁ ଆଧାର ସହ ଲିଙ୍କ ନ କରାଇଲେ ପାନ୍କାର୍ଡ ରଦ୍ଦ ହୋଇଯିବ ବୋଲି ଘୋଷଣା ହୋଇଥିଲା। ତାହା ପୂର୍ବରୁ ୨୦୧୮ ଜୁନ ୩୦ ତାହା ପାନ କାର୍ଡକୁ ଆଧାର ସହ ଲିଙ୍କ କରାଇବା ନେଇ ଶେଷ ତାରିଖ ରହିଥିଲା।
