ମୁମ୍ବାଇ: କୋରୋନା ପ୍ରଭାବିତ ଅର୍ଥନୀତିକୁ ବୁଷ୍ଟର ଦେବା ପାଇଁ ସରକାର 20 ଲକ୍ଷ କୋଟିର ଆର୍ଥିକ ପ୍ୟାକେଜ ଘୋଷଣା କରିଛନ୍ତି । ଏଥିଯୋଗୁଁ ଚଳିତ ଆର୍ଥିକ ବର୍ଷ (2020-21) ରାଜକୋଷୀୟ ଘାଟା (fiscal deficit) ବୃଦ୍ଧି ପାଇ 7.9 ପ୍ରତିଶତ ରହିପାରେ । ଗୁରୁବାର ଭାରତୀୟ ଷ୍ଟେଟ ବ୍ୟାଙ୍କର ଏକ ଗବେଷଣା ରିପୋର୍ଟରେ ଏ ନେଇ ଅନୁମାନ କରାଯାଇଛି ।
ରିପୋର୍ଟ ମୁତାବକ, ଏହା ପୂର୍ବ ଆର୍ଥିକ ବର୍ଷରେ ଜିଡିପି ତୁଳନାରେ 3.5 ପ୍ରତିଶତ ରାଜକୋଷୀୟ ଘାଟା ଅନୁମାନ ଦର୍ଶାଯାଇଥିଲା । ସରକାର ଲକଡାଉନରେ ପ୍ରଭାବିତ ବିଭିନ୍ନ ସେକ୍ଟରକୁ ରିଲିଫ ଦେବା ପାଇଁ ମୋଟ 20 ଲକ୍ଷ କୋଟି ଟଙ୍କା ପ୍ୟାକେଜ ଘୋଷଣା କରିଛନ୍ତି । ଯାହାକି ଦେଶର ମୋଟ ଘରୋଇ ଉତ୍ପାଦ (ଜିଡିପି)ର 10 ପ୍ରତିଶତ ।
ରିପୋର୍ଟରେ କୁହାଯାଇଛି ଯେ CSO ଜିଡିପିର ପୂର୍ବ ଆକଳନ ଉପରେ ଆଧାରିତ ମୂଳ ରାଜକୋଷୀୟ ଘାଟା ପ୍ରାୟ 7.1 ପ୍ରତିଶତ ।
ରିପୋର୍ଟରେ ଦର୍ଶାଯାଇଛି ଯେ ସମୁଦାୟ ରାଜକୋଷୀୟ ପ୍ରଭାବ ପ୍ରାୟ 1.14 ଲକ୍ଷ କୋଟି ବା ଜିଡିପିର 0.6 ପ୍ରତିଶତ । ସରକାର ପାଖାପାଖି 4.2 ଲକ୍ଷ କୋଟି ଟଙ୍କା (ଜିଡିପିର 2.1 ପ୍ରତିଶତ)ର ଅତିରିକ୍ତ ଋଣ ନେଇ ଘୋଷଣା କରିଛନ୍ତି ।
