ଭୁବନେଶ୍ବର: ଆସନ୍ତା ମାସରେ ନିଲାମ ହେବ ୩୬ଟି ଖଣି। ଏନେଇ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ ହୋଇଥିବା ନେଇ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ ମଲ୍ଲିକ ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ-ସମ୍ବାଦଦାତା, ଭୁବନେଶ୍ବର
୨୦୨୦ରେ ୨୪ଟି ଖଣିର ଅଧିଗ୍ରହଣ ଅବଧି ଶେଷ ହେବ । ଏଣୁ ଏହା ପୂର୍ବରୁ ଏସବୁର ନିଲାମ କରିବାକୁ ବିଭାଗ କସରତ ଚଲାଇଛି । ଜୁଲାଇ ମାସ ଶେଷ ସୁଦ୍ଧା ୫ରୁ ୧୦ଟି ଖଣିର ନିଲାମ ଶେଷ ହେବ । ଏଥିରେ ଯେପରି ବାଧା ସୃଷ୍ଟି ନହେବ ସେଥିଲାଗି ବିଭାଗ ସଜାଗ ରହିଛି ।
ତେବେ କିଭଳି ଭାବେ 36ଟି ଖଣିର ନିଲାମକୁ ସଠିକ ପରିଚାଳନା କରାଯିବ ତା ନଜର ରହିଛି । ଏପଟେ ମନ୍ତ୍ରାଣଳୟ ପକ୍ଷରୁ କୋଇଲା ରୟାଲଟି ବୃଦ୍ଧି ନେଇ କେନ୍ଦ୍ର ସରକାରଙ୍କୁ ବାରମ୍ବାର ଚିଠି ଲେଖାଯାଇଛି।କିନ୍ତୁ ଫଳ ଶୂନ । ଯାହାଫଳରେ ଓଡିଶାର ରାଜସ୍ୱହାନୀ ହେଉଛି ବୋଲି ମନ୍ତ୍ରୀ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
