ନୂଆଦିଲ୍ଲୀ: ବ୍ୟାଙ୍କରୁ ବାରମ୍ବାର ନଗଦ ଟଙ୍କା ଉଠାଉଛନ୍ତି କି ? ପ୍ରସ୍ତୁତ ରହନ୍ତୁ, ଏଣିକି ଏଣିକି ବାର୍ଷିକ କୋଟିଏରୁ ଅଧିକ ଟଙ୍କା ଉଠାଇଲେ କଟିବ ୨ ପ୍ରତିଶତ ଟିଡିଏସ । ଆସନ୍ତା କାଲି ଅର୍ଥାତ ସେପ୍ଟମ୍ବର ପହିଲାରୁ ଲାଗୁ ହେବ ଏହି ନୂଆ ନିୟମ ।
ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟରେ ଆୟକର ନିୟମରେ ପରିବର୍ତ୍ତନ କରି ନଗଦ ଟଙ୍କା ଉଠାଣ ଉପରେ ଟିଡିଏସ ଲାଗୁ ନେଇ ଘୋଷଣା କରିଥିଲେ । ବ୍ୟାଙ୍କ ଏହି ଟିଡିଏସକୁ ଆୟକର ବିଭାଗକୁ ପଠାଇବ ।
ଦେଶରେ ଡିଜିଟାଲ ବା କ୍ୟାସଲ୍ୟାସ ଟ୍ରାଞ୍ଜାକ୍ସନକୁ ସରକାର ଅଧିକ ପ୍ରାଧାନ୍ୟ ଦେଉଛନ୍ତି । ଏଣୁ ସବୁ କ୍ଷେତ୍ରରେ ନଗଦ କାରବାରକୁ ନିରୁତ୍ସାହିତ କରିବା ଉଦ୍ଦେଶ୍ୟରେ ଏ ନେଇ ନିୟମ ଲାଗୁ ହୋଇଛି।
ତେବେ ଏହି ନିୟମକୁ ସରକା , ବ୍ୟାଙ୍କିଂ କମ୍ପାନୀ, ବ୍ୟାଙ୍କ ସହ ଜଡିତ ସରକାରୀ କମ୍ପାନୀ, ଡାକଘର, ବ୍ୟାଙ୍କିଂ ପ୍ରତିନିଧି ଓ ହ୍ବାଇଟ ଲେବଲ ଏଟିଏମ ପରିଚାଳନା କରୁଥିବା ସଂସ୍ଥା ଉପରେ ଏହି ନିୟମ ଲାଗୁ ହେବ ନାହିଁ । କାରଣ ଏହି ବ୍ୟବସ୍ଥା ଅନୁଯାୟୀ, ସେମାନଙ୍କୁ ଭାରୀ ମାତ୍ରାରରେ ନଗଦର ବ୍ୟବହାର କରିବାକୁ ପଡିଥାଏ ।
ଅଧିକାରୀଙ୍କ ହିସାବ ଅନୁଯାୟୀ 2017-18ରେ ପ୍ରାୟ 2 ଲକ୍ଷ ଲୋକ ଓ ସଂସ୍ଥା ବ୍ୟାଙ୍କ ଖାତାରୁ 1 କୋଟିରୁ ଉର୍ଦ୍ଧ୍ବ ଟଙ୍କା ଉଠାଇଥିଲେ। ଟିଡିଏସ ହେଉଛି ଟ୍ୟାକ୍ସ ଡିଡକ୍ସନ ଆଟ ସୋର୍ସ । ବିଭିନ୍ନ କାରବାର ପାଇଁ ଭିନ୍ନ ଟିଡିଏସ ଆୟକର ବିଭାଗକୁ ଦେବାକୁ ପଡିଥାଏ ।
