ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜର ଡିଜିଟାଲ ପ୍ଲାର୍ଟଫର୍ମ ଜିଓ ରେ ନିବେଶ ପ୍ରକ୍ରିୟା ଜାରି ରହିଛି । ଏଥିମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜକୁ 13 ତମ ନିବେଶକ ମିଳିଛି । ଓୟାରଲେସ ଟେକ୍ନୋଲୋଜି ସେକ୍ଚରର ଦିଗ୍ଗଜୟ କମ୍ପାନୀ କ୍ବାଲକମ ଇନକର୍ପୋରେଟଡର ଇନଭେଷ୍ଟମେଣ୍ଟ କମ୍ପାନୀ କ୍ବାଲକମ ବେଞ୍ଚର୍ସ 0.15 ପ୍ରତିଶତ ଇକ୍ୟୁଟି ପାଇଁ ଜିଓ ରେ 730 କୋଟି ଟଙ୍କା ନିବେଶ ପାଇଁ ଘୋଷଣା କରିଛି ।
12 ସପ୍ତାହରେ 13 ନିବେଶ ଜରିଆରେ ଜିଓ ପ୍ଲାର୍ଟଫର୍ମରେ 25.2 ପ୍ରତିଶତ ଇକ୍ୟୁଟି ପାଇଁ 1,18,318.45 ଲକ୍ଷ କୋଟି ଟଙ୍କାର ନିବେଶ ହୋଇଛି ।
କ୍ବାଲକମ ନିଜର ଉକୃଷ୍ଠ ଓୟାରଲେସ ଟେକ୍ନୋଲୋଜି ପାଇଁ ସମଗ୍ର ବିଶ୍ବରେ ଜଣାଶୁଣା । ଜିଓ ପ୍ଲାଟଫର୍ମର ଇକ୍ୟୁଟି ଭେଲ୍ୟୁ 4.91 ଲକ୍ଷ କୋଟି ଟଙ୍କା ଓ ଏଣ୍ଟରପ୍ରାଇଜ ଭେଲ୍ୟୁ 5.16 ଲକ୍ଷ କୋଟି ଟଙ୍କା ହିସାରେ ପୁଞ୍ଜି ନିବେଶ କରାଯାଇଛି ।
ଜିଓ ପ୍ଲାର୍ଟଫର୍ମରେ ନିବେଶ ଏପ୍ରିଲ 22ରେ ଫେସବୁକ ସହ ଆରମ୍ଭ ହୋଇଥିଲା । ଏହା ପରରୁ ବିଭିନ୍ନ ନାମୀଦାମୀ ବିଦେଶୀ କମ୍ପାନୀ ଜିଓର ଅଂଶଧନ ବଦଳରେ ବିପୁଳ ନିବେଶ କରିଛନ୍ତି ।
କ୍ବାଲକମ ଦୁନିଆର ଅଗ୍ରଣୀ ଓୟାରଲେସ ଟେକ୍ନୋଲୋଜି ଇନୋଭେଟର ଓ 5 ଜି ବିକାଶ, ଲଞ୍ଚ ଓ ବିସ୍ତାର ପାଇଁ କାମ କରିଥାଏ । ରିସର୍ଚ୍ଚ ଓ ବିକାଶରେ କ୍ବାଲକମ ଏବେ ସୁଦ୍ଧା 62 ଅରବ ଡଲାରରୁ ଅଧିକ ଖର୍ଚ୍ଚ କଲାଣି । ଗତ 35 ବର୍ଷରେ କ୍ବାଲକମ ପାଖରେ ପେଣ୍ଟେଟ ଓ ପେଣ୍ଟେଟ ଆପ୍ଲିକେସନ ମିଶାଇ 140,000 ରୁ ଅଧିକ ଇନୋଭେସନ ରହିଛି ।
