ଭୁବନେଶ୍ବର: ପଶ୍ଚିମବଙ୍ଗରେ ପରାଜୟ ପରେ ବିଜେପିକୁ ତେର୍ଚ୍ଛା ତୀର ମାରିଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । ଭାରତୀୟ ଜନତା ପାର୍ଟିର ଗର୍ବ ଓ ଅହଙ୍କାର ଭାଙ୍ଗିଛି ବୋଲି କହିଛନ୍ତି ତାରା । ଦିଦିଙ୍କ ଆଗରେ ମୋଦି-ଶାହାଙ୍କ ରଣନୀତି ଫେଲ ମାରିଛି ବୋଲି ତାର ରଖିଛନ୍ତି ମତ।
ଦୀର୍ଘ ଦିନ ଧରି ପଶ୍ଚିମବଙ୍ଗରେ ନିର୍ବାଚନ ଚାଲିଥିଲା । ବିଜେପିର ମାନ୍ୟଗଣ୍ୟ ନେତା ପ୍ରଚାରରେ ସାମିଲ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହ ମନ୍ତ୍ରୀ ଅମିତ ଶାହା ବଙ୍ଗଗଡ଼ରେ ରଣ ହୁଙ୍କାର ଦେଇଥିଲେ । ଏଥର ବଙ୍ଗର ମଙ୍ଗ ଧରିବେ ମୋଦି-ଶାହା ଘୋଷଣା କରିଥିଲେ । ଏ ନେଇ ରଣନୀତି ମଧ୍ୟ ପ୍ରସ୍ତୁତ ହୋଇଥିଲା । ଏଥର ବିଜୟ ତାଙ୍କର ବୋଲି ଦାବି କରିଥିଲେ । ହେଲେ ଫଳ ହେଲା ଓଲଟା । ବିଜେପିର ପରାଜୟ ହୋଇଛି । ନିର୍ବାଚନ ଫଳାଫଳ ଘୋଷଣା ପରେ ବିଜେପିର ଆତ୍ମଗର୍ବ ଓ ଅହଙ୍କାର ଭାଙ୍ଗିଯାଇଛି । ମମତା ଦିଦିଙ୍କ ଆଗରେ ମୋଦି-ଶାହାଙ୍କ ରଣନୀତି କାମ ଦେଇନି ବୋଲି କହିଛନ୍ତି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
