ମୁମ୍ବାଇ: କୋରୋନା କଟକଣା ଯୋଗୁଁ ମେ 3 ଯାଏଁ ସମସ୍ତ ଉଡାଣ ରଦ୍ଦ କରିଛି ଏୟାର ଏସିଆ । ଏଥିଯୋଗୁଁ କର୍ମଚାରୀଙ୍କ ଏପ୍ରିମ ମାସର ଦରମାରୁ 20 ପ୍ରତିଶତ କାଟ କରିଛି କମ୍ପାନୀ ।
ଏ ନେଇ ମିଳିଥିବା ସୂଚନା ଅନୁଯାୟୀ, ଯେଉଁମାନଙ୍କ ମାସିକ ଦରମା 50,000 ଟଙ୍କା ବା ତା ଠାରୁ କମ, ସେମାନଙ୍କ ଦରମାରେ ହ୍ରାସ ହେବ ନାହିଁ । ଏହା ପୂର୍ବରୁ ଇଣ୍ଡିଗୋ, ସ୍ପାଇସଜେଟ ଓ ଅନ୍ୟନ ଘରୋଇ ବିମାନ କମ୍ପାନୀ ମଧ୍ୟ ଏଭଳି ଦରମା କାଟ ନେଇ ଘୋଷଣା କରିସାରିଛନ୍ତି ।
ଏୟାର ଏସିଆ ଇଣ୍ଡିଆ ନିଜ କର୍ମଚାରୀଙ୍କ (ଯେଉଁମାନେ 50 ହଜାରରୁ ଉର୍ଦ୍ଧ ଟଙ୍କା ପାଆନ୍ତି) ଏପ୍ରିଲ ମାସର ଦରମାର 20 ପ୍ରତିଶତ କାଟିବ । ଯେତେବେଳେ ଅନ୍ୟ ଶ୍ରେଣୀରେ ଆସୁଥିବା ଅଧିକାରୀଙ୍କ ଦରମାରେ 17 ପ୍ରତିଶତ, 13 ପ୍ରତିଶତ ଓ 7 ପ୍ରତିଶତ କାଟ କରିବ ।
ତେବେ ଏୟାର ଏସିଆ ଇଣ୍ଡିଆ ପ୍ରବକ୍ତା ଏ ନେଇ କୌଣସି ଟିପ୍ପଣୀ ଦେବାକୁ ମନା କରିଦେଇଛନ୍ତି ।
