ହାଇଦ୍ରାବାଦ: କୋରୋନା କଟକଣା ମଧ୍ୟରେ ଭାରତରେ ମଦ ଚାହିଦା ପ୍ରବଳ ମାତ୍ରାରେ ବଢିଛି । ରଏଟର୍ସର ଏକ ରିପୋର୍ଟ ଅନୁସାରେ ଫୁଡ ଡେଲିଭରି କମ୍ପାନୀ ଜୋମାଟୋ ଏବେ ଘରେ ଘରେ ମଦ ପହଞ୍ଚାଇବ
ବର୍ତ୍ତମାନ ସମୟରେ ଜୋମାଟୋ ଗ୍ରାହକଙ୍କୁ ଅତ୍ୟାବଶ୍ୟତ ସାମଗ୍ରୀ ଯୋଗାଉଛି । ଘରେ ଘରେ ରାସନ ସାମଗ୍ରୀ ଡେଲିଭରି କରୁଛି । କୋରୋନା ସଂକ୍ରମଣ ରୋକିବାକୁ ଦେଶରେ ଏବେ ତୃତୀୟ ପର୍ଯ୍ୟାୟରେ ଲକଡାଉନ ଜାରି ରହିଛି । ଏଥିମଧ୍ୟରେ କିଛି ପ୍ରତିବନ୍ଧକ ସହ ମଦ ବିକ୍ରି ନେଇ ଅନୁମତି ଦିଆଯାଇଛି ।
ଦେଶର ସମସ୍ତ ରାଜ୍ୟରେ ପାଖାପାଖୀ 2.5 ଲକ୍ଷ କୋଟି ରାଜସ୍ବ କେବଳ ମଦ ବିକ୍ରିରୁ ମିଳିଥାଏ । ଅଧିକାଂଶ ରାଜ୍ୟର ମୋଟ ରାଜସ୍ବର 15ରୁ 20 ପ୍ରତିଶତ ଅଂଶ କେବଳ ମଦରୁ ଆସିଥାଏ ।
ଦେଶରେ 16 ସର୍ବବୃହତ୍ତ ରାଜ୍ୟ (ବିହାର, ଗୁଜୁରାଟ,ଆନ୍ଧ୍ରପ୍ରଦେଶକୁ ବାଦ ଦେଇ)ର ମଦ ବିକ୍ରିରୁ ବଜେଟ ରାଜସ୍ବ ଅନୁମାନ 2020-21ରେ 1.65 ଲକ୍ଷ କୋଟି ଟଙ୍କା ଥିଲା । ଅର୍ଥାତ ଏହି ରାଜ୍ୟ ଗୁଡିକରେ ମଦ ବିକ୍ରିରୁ ପ୍ରାୟ 1.65 ଲକ୍ଷ କୋଟି ଆୟ ନେଇ ବଜେଟରେ ରହିଛି ।
