ହାଇଦ୍ରାବାଦ: ଭାରତକୁ ବିଜୟ ମାଲ୍ୟାଙ୍କ ପ୍ରତ୍ୟାପଣ ନେଇ ପୁଣି ଉପୁଜିଛି ବାଧା । ଭାରତରେ ରହିଥିବା ବ୍ରିଟିଶ ହାଇକମିଶନଙ୍କ ମୁଖପାତ୍ର ବିଜୟ ମାଲ୍ୟା କହିଛନ୍ତି କି, ବ୍ରିଟେନ ଆଇନ ଅନୁସାରେ ସମସ୍ତ ଆଇଗତ ମାମଲାର ସମାଧାନ ନ ହେବା ପର୍ଯ୍ୟନ୍ତ ମାଲ୍ୟା ପ୍ରତ୍ୟାପଣ କରିପାରିବେ ନାହିଁ ।
ବ୍ରିଟିଶ ଆଇନ ଅଧିନରେ, ଆଇନ ସମସ୍ୟା ସମାଧାନ ହେବା ପର୍ଯ୍ୟନ୍ତ ପ୍ରତ୍ୟାପଣ ହୋଇପାରିବ ନାହିଁ । ଏହି ପ୍ରସଙ୍ଗ ଗୋପନୀୟ । ଏଣୁ ଆମେ କୌଣସି ମଧ୍ୟ ବିବରଣୀ ଦେଇପାରୁନାହିଁ । ଏପରିକି ଆମେ ଅନୁମାନ ମଧ୍ୟ କରିପାରୁନାହିଁ କି ଏହା ସମାଧାନ ପାଇଁ କେତେ ସମୟ ଲାଗିବ । ତେବେ ଆମେ ଏହାକୁ ଶୀଘ୍ର ସମାଧାନ ପାଇଁ ଚେଷ୍ଟା କରୁଛୁ ବୋଲି ୟୁକେ ହାଇ କମିଶନ ମୁଖପାତ୍ର କହିଛନ୍ତି ।
ଗତ ମାସରେ ମାଲ୍ୟାଙ୍କ ପ୍ରତ୍ୟାର୍ପଣ ବିରୋଧ ଅପିଲକୁ ଖାରଜ କରିଦିଆଯାଇଥିଲା । ଏଥିସହ ବ୍ରିଟେନ ସୁପ୍ରିମକୋର୍ଟରେ ଅପିଲ ପାଇଁ ମଧ୍ୟ ମନା କରିଦିଆଯାଇଥିଲା । ହେଲେ ଏବେ ଆହୁରି ଏକ ପ୍ରକ୍ରିୟା ରହିଛି ଯାହାକୁ ପ୍ରତ୍ୟାର୍ପଣ ବ୍ୟବସ୍ଥା ପୂର୍ବରୁ ସମାଧାନ ଆବଶ୍ୟକ ବୋଲି ମୁଖପାତ୍ର କହିଛନ୍ତି ।
ପ୍ରକାଶ ଯେ, ଖୁବ ଶୀଘ୍ର ବିଜୟ ମାଲ୍ୟା ପ୍ରତ୍ୟାର୍ପଣ ନେଇ ବୁଧବାର ଗଣମାଧ୍ୟମରେ ପ୍ରକାଶ ପାଇଥିଲା । ଏ ନେଇ ପ୍ରତିକ୍ରିୟା ରଖି ବ୍ରିଟେନ ହାଇ କମିଶନ ମୁଖପାତ୍ର ବ୍ରିଟେନ ଆଇନ ସମ୍ପର୍କରେ ଦର୍ଶାଇବା ସହ ସହ ମାଲ୍ୟାଙ୍କ ଆସିବା ନେଇ କିଛି ଠିକ ହୋଇନାହିଁ ବୋଲି ସ୍ପଷ୍ଟ କରିଛନ୍ତି ।
