ୱାସିଂଟନ: ଏକ ଆମେରିକୀୟ ଆର୍ଥିକ ସଙ୍ଗଠନ ଏକ ଭାରତୀୟ ଶିକ୍ଷା ଷ୍ଟାର୍ଟଅପକୁ 1.5 କୋଟି ଡଲାର ଋଣ ଦେବାକୁ ରାଜି ହୋଇଛି । ଏହି ଟଙ୍କାକୁ ଭାରତରେ ସ୍ବଳ୍ପ ଆୟ ବର୍ଗର ଛାତ୍ରଙ୍କୁ ଶିକ୍ଷା ପ୍ରଦାନ କରୁଥିବା ବିଦ୍ୟାଳୟ ସହାୟତା ପାଇଁ ଖର୍ଚ୍ଚ କରାଯିବ । ଯେପରି ଅଧିକରୁ ଅଧିକ ପିଲା ଭଲ ଶିକ୍ଷା ପାଇପାରିବେ ।
ୟୁଏସ ଇଣ୍ଟରନ୍ୟାସନାଲ ଡେଭଲପମେଣ୍ଟ ଫାଇନାନ୍ସ କର୍ପୋରେସନ (ଡିଏଫସି) ଏକ ବିବୃତ୍ତିରେ କହିଛି ଯେ, ଏହି ଅର୍ଥ ବେଙ୍ଗାଲୁରୁ ସ୍ଥିତ ଷ୍ଟାର୍ଟଅପ ‘ୱର୍ଥନା’କୁ ଦୀର୍ଘକାଳୀନ ପୁଞ୍ଜି ଏକତ୍ର ପାଇଁ ସାହାଯ୍ୟ କରିବ । ଏ ନେଇ ଡିଏଫସି କହିଛି ଯେ, ଏହି ପାଣ୍ଠି ବିଶେଷ ରୂପରେ ଗୁରୁତ୍ବପୂର୍ଣ୍ଣ । କାରଣ କୋରୋନା ଭାଇରସ ସଙ୍କଟ ଯୋଗୁଁ ଉତ୍ପନ୍ନ ବ୍ୟବଧାନର ମୁକାବିଲା ପାଇଁ ଏହା ବିଦ୍ୟାଳକୁ ସହଯୋଗ କରିବ ।
ବିବୃତ୍ତିରେ କୁହାଯାଇଛି କି ଋଣ ବ୍ୟତିତ ଏହି ସ୍କୁଲକୁ ଡିଜିଟାଲ ଶିକ୍ଷଣ ଉପକରଣ ଓ ଶିକ୍ଷଣ ବିଧିକୁ ଲାଗୁ କରିବା ପାଇଁ ମଧ୍ୟ ସହାୟତା କରାଯିବ । ଯେପରି ମହାମାରୀ ପରେ ବି ପିଲାମାନେ ଘରେ ବସି ଅନଲାଇନରେ ପାଠ ପଢିବା ଜାରି ରଖିପାରିବେ ।
