ନୂଆଦିଲ୍ଲୀ: ଭାରତୀୟ ଟେଲିକମ ନିୟାମକ ପ୍ରାଧିକରଣ ( ଟ୍ରାଇ) ର ଭେଟି ନବ ବର୍ଷ ଭେଟି। ଏଣିକି ମହଙ୍ଗା କେବୁଲ ଓ ଡିଟିଏଚରୁ ମିଳିବ ଆଶ୍ବସ୍ତି । ଏବେ ମାତ୍ର ମାସିକ 130 ଟଙ୍କାରେ ଗ୍ରାହକ 200 ଚ୍ୟାନେଲର ମଜା ନେଇପାରିବେ । ସେହିପରି ତାଠାରୁ ଉର୍ଦ୍ଧ୍ବ ଚ୍ୟାନେଲ ପାଇଁ 160 ଟଙ୍କା ଧାର୍ଯ୍ୟ କରାଯାଇଛି । ଫଳରେ ଗୋଟିଏ ଚ୍ୟାନେଲ ପିଛା ଏବେ ମାତ୍ର 12 ଟଙ୍କା ଦିଆଯିବ । ଯାହାକି ପୂର୍ବରୁ 19 ଟଙ୍କା ଥିଲା ।
ଆସନ୍ତା 15 ସୁଦ୍ଧା ପ୍ରସାରକ ଏହି ଦର ବଦଳାଇବେ । ଏଥିସହ 30 ସୁଦ୍ଧା ସବୁ ଚ୍ୟାନେଲର ଦାମ ଲିଷ୍ଟ ପ୍ରକାଶିତ ହେବ । ପରେ ମାର୍ଚ୍ଚ 1ରୁ ନୂଆ ଦର ଲାଗୁ ହେବ । ପୂର୍ବରୁ ଟ୍ରାଇ ପକ୍ଷରୁ ଟାରିଫ ଅର୍ଡରକୁ ଫେବୃଆରୀରେ ଲାଗୁ କରାଯାଇଥିଲା ।
ପ୍ରସାରକଙ୍କୁ ନିୟନ୍ତ୍ରଣ କରେ ଦୂରସଞ୍ଚାର ନିୟାମକ । ଏହା ବିତରକ ମଞ୍ଚ ଉପରେ ଉପଲବ୍ଧ ସମସ୍ତ ଚ୍ୟାନେଲ ପାଇଁ ଦାମ ନିର୍ଦ୍ଧାରଣ କରିଛି । ଗ୍ରାହକ ଯେପରି କମ ଦାମରେ ଅଧିକ ଚ୍ୟାନେଲ ଦେଖିପାରିବେ ସେଥିପାଇଁ ଏକ ନିର୍ଦ୍ଦିଶ୍ଟ ଶୁକ୍ଲ ଧାର୍ଯ୍ୟ କରିଛି ଟ୍ରାଇ । ବର୍ତ୍ତମାନ 100 ଫ୍ରି ଟୁ ଏୟାର ଚ୍ୟାନେଲ ପାଇଁ 130 ଟଙ୍କା ଓ ଟିକସ ବାବଦକୁ 24 ଟଙ୍କା ସହ 154 ଟଙ୍କା ଦେବାକୁ ପଡୁଛି । ହେଲେ ଏବେ 200 ଚ୍ୟାନେଲ ପାଇଁ ସର୍ବାଧିକ ଏନସିଏଫ (network capacity fee) ଶୁଳ୍କ କମାଇ 130 ଟଙ୍କା ହୋଇଛି । ସେହିପରି ଘରେ କିମ୍ବା ଅଫିସରେ ଏକରୁ ଉର୍ଦ୍ଧ୍ବ କନେକ୍ସନ ନେଲେ 40 ପ୍ରତିଶତ ରିହାତି ଦିଆଯିବ ।
ଏହା ବ୍ୟତୀତ ସୂଚନା ଓ ପ୍ରସାରଣ ମନ୍ତ୍ରାଣଳୟ ଯେଉଁ ସବୁ ଚ୍ୟାନେଲକୁ ବାଧ୍ୟତାମୂଳକ ଘୋଷଣା କରିଥିଲେ, ସେସବୁକୁ ଏନସିଏଫ ତାଲିକାଭୁକ୍ତ ହେବ ।
