ନୂଆଦିଲ୍ଲୀ: ଲକଡାଉନର ପ୍ରାୟ 2 ମାସ ପରେ ସାମାଜିକ ଦୂରତ୍ବ ସହ ଆର୍ଥିକ ଗତିବିଧି ଆରମ୍ଭକୁ ପ୍ରୋତ୍ସାହନ ମିଳିଛି । ଏହା ପରେ ବି ଉତ୍ପାଦନ ସେକ୍ଟରରେ କାମ ଠିକରେ ହେଇପାରୁନାହିଁ । ଏଥିଯୋଗୁଁ ଅନେକ ପ୍ରଡକ୍ଟ ରହିଛି, ଯେଉଁଥିରେ ଚାହିଦା ବହୁତ ରହିଥିଲେ ସୁଦ୍ଧା କମ୍ପାନୀ ଯୋଗାଣରେ ପଛୁଆ ରହିଯାଇଛି ।
ବଜାରରେ ଏବେ ପ୍ରବଳ ମାତ୍ରାରେ ସ୍ମାର୍ଟଫୋନ ଚାହିଦା ରହିଛି । କମ ଓ ମିଡିୟମ ବଜେଟ ସ୍ମାର୍ଟଫୋନ ଚାହିଦା ଏତେ ଅଧିକ ରହିଛି କି କ୍ରେତାଙ୍କୁ ନିରାଶ ହେବାକୁ ପଡୁଛି । ସ୍ମାର୍ଟଫୋନ ବଜାରରେ ସାଓମି ଓ ଓପୋର ମାର୍କେଟ ସେୟାର ବହୁତ ଅଧିକ ରହିଛି । ଏହି କମ୍ପାନୀଗୁଡିକ ବଜେଟ ଭିତରେ ଅଧିକ ସ୍ମାର୍ଟଫୋନ ବିକ୍ରି କରନ୍ତି ।
ଭାରତରେ ଉତ୍ପାଦନ ୟୁନିଟ ମେ ମାସରେ ଖୋଲିବାକୁ ଅନୁମତି ମିଳିଥିଲା, କିନ୍ତୁ ଏକ ମାସ ବି ଏ ପର୍ଯ୍ୟନ୍ତ ଠିକରେ କାମ ଆରମ୍ଭ ହେଇନାହିଁ । ଶ୍ରମିକ ଅଭାବ ଯୋଗୁଁ କାମ ଆରମ୍ଭ ହେଉନଥିବା କମ୍ପାନୀ କହିଛି । ଅନଲକରେ ପ୍ରତି ସେକ୍ଟରରେ ସମାନ ସ୍ଥିତି । ଶ୍ରମିକ ଅଭାବ ନେଇ ସବୁ ଅଭିଯୋଗ ଆଣୁଛନ୍ତି । ଏଭଳି ସ୍ଥିତି ସ୍ମାର୍ଟଫୋନ ଆମଦାନୀ କରିବାକୁ ପଡୁଛି ।
ପ୍ରକାଶ ଯେ, ସରକାର ମେକ ଇନ ଇଣ୍ଡିଆ କାର୍ଯ୍ୟକ୍ରମକୁ ବଳ ଦେବା ପାଇଁ ସ୍ମାର୍ଟଫୋନ ଆମଦାନୀ ଉପରେ 10 ପ୍ରତିଶତ କଷ୍ଟମ ଡ୍ୟୁଟି ଲଗାଇଥିଲେ । ଏହା ଫେବୃଆରୀରୁ ଲାଗୁ ହୋଇଛି । ଏହା ପରେ ମୋବାଇ କମ୍ପାନୀ ଦ୍ବାରା ଭାରତରେ ଉତ୍ପାଦନ ପାଇଁ ପ୍ରଚେଷ୍ଚା ବଢିଛି ।
ଏପେଟ 2020 ଏପ୍ରିଲ ପହିଲାରୁ ସରକାର ସ୍ମାର୍ଟଫୋନ ଉପରେ ଜିଏସଟି 12 ପ୍ରତିଶତରୁ ବଢାଇ 18 ପ୍ରତିଶତ କରିଦେଇଛନ୍ତି ।
