ନୂଆଦିଲ୍ଲୀ: ଧିମା ଅର୍ଥବ୍ୟବସ୍ଥାରୁ ମିଳିଛି ଉପଶମ । ବଢିଛି ସେବା କ୍ଷେତ୍ରର ଅଭିବୃଦ୍ଧି ରିପୋର୍ଟ । ଫେବୃଆରୀରେ ସେବା କ୍ଷେତ୍ରର ଗତି 7 ବର୍ଷର ସର୍ବେଚ୍ଚ ସ୍ତରରେ ପହଞ୍ଚିଛି । ବିଦେଶୀ ଚାହିଦାରେ ତୀବ୍ର ବୃଦ୍ଧି ଯୋଗୁଁ ପୁଣି ବିକାଶର ଟ୍ରାକକୁ ଫେରିଛି ଏହି ସେକ୍ଟର ।
ଫେବୃଆରୀରେ ସେବା କ୍ଷେତ୍ର ପିଏମଆଇ (Purchasing Managers' Index) 57.5 ପ୍ରତିଶତକୁ ବୃଦ୍ଧି ଘଟିଛି । ଯାହାକି ଜାନୁଆରୀରେ 55.5 ପ୍ରତିଶତ ରହିଥିଲା । ତେବେ ଫେବୃଆରୀର ଅଭିବୃଦ୍ଧି 2013 ପରଠୁ ସର୍ବୋଚ୍ଚ ରହିଛି । ଲଗାତାର 4 ମାସ ଧରି ସେବା କ୍ଷେତ୍ରରେ ଅଭିବୃଦ୍ଧି ଜାରି ରହିଛି ।
ଆଇଏଚଏସ ମାର୍କେଟର ଅର୍ଥଶାସ୍ତ୍ରୀ ପଲିଆନା ଡେ ଲିମା ବିଜ୍ଞପ୍ତିରେ ଦର୍ଶାଇଛନ୍ତି ଯେ, ସେବା କ୍ଷେତ୍ରର ଗତିବିଧି ସୁଧୁରିବାର ପ୍ରମୁଖ କାରଣ ଘରୋଇ ଓ ଅନ୍ତରାଷ୍ଟ୍ରୀୟ ବଜାରରେ ଚାହିଦା ବୃଦ୍ଧି ଯୋଗୁଁ ହୋଇଛି ।
