ନୂଆଦିଲ୍ଲୀ: ଲକଡାଉନ ଖୋଲିବା ପରଠୁ ପେଟ୍ରୋଲ ଓ ଡିଜେଲ ଦାମରେ ଲାଗିଛି ନିଆଁ । ଲଗାତାର 18 ଦିନ ଧରି ବଢିଚାଲିଛି ତେଲ ଦାମ । ସ୍ଥିତି ଏପରିକି ଇତିହାସରେ ପ୍ରଥମ ଥର ପାଇଁ ଡିଜେଲ ଦାମ ପେଟ୍ରୋଲ ଠାରୁ ଅଧିକ ହୋଇଛି । ଏନେଇ କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ।
ବୁଧବାର ରାହୁଲ ଗାନ୍ଧୀ ଏକ ଗ୍ରାଫିକ ଚାର୍ଟକୁ ପୋଷ୍ଟ କରି ଲେଖିଛନ୍ତି କି ସରକାର କୋରୋନା ମହାମାରୀ ଓ ପେଟ୍ରୋଲ-ଡିଜେଲ ଦାମକୁ ଅନଲକ କରିଦେଲେ । ଏହି ଚାର୍ଟରେ ପେଟ୍ରୋଲ ଓ ଡିଜେଲ ଏବଂ କୋରୋନା ମାମାଲା ବୃଦ୍ଧିକୁ ତୁଳନା କରାଯାଇଛି ।
ପ୍ରକାଶ ଯେ, ଆଜିକୁ 18 ଦିନ ଧରି ତେଲ ଦାମ ବଢିଚାଲିଛି । କେବଳ ଆଜି ଅର୍ଥାତ ବୁଧବାର ପେଟ୍ରୋଲ ଦାମରେ ବ୍ରେକ ଲାଗିଛି । ହେଲେ ଡିଜେଲ ଦାମ ସବୁ ରେକର୍ଡ ଭାଙ୍ଗି ପେଟ୍ରୋଲ ଠାରୁ ଅଧିକ ରହିଛି । ଦିଲ୍ଲୀରେ ପେଟ୍ରୋଲ ଦାମ ଲିଟର ପିଛା 79.40 ଟଙ୍କା ରହିଥିଲା ବେଳେ ଡିଜେଲ ଦାମ 79.88 ଟଙ୍କା ଅଛି ।
