ନୂଆଦିଲ୍ଲୀ: ଲକଡାଉନରେ ମଧ୍ୟରେ ଘର ବାହୁଡିଥିବା ପ୍ରବାସୀ ଶ୍ରମିକଙ୍କୁ ସଶକ୍ତ ତଥା ରୋଜଗାରମୁହାଁ କରିବା ପାଇଁ ଚାଲିଛି ପ୍ରସ୍ତୁତି । ଏଥିପାଇଁ ଶନିବାର ଏକ ବଡ ଗ୍ରାମୀଣ ଲୋକ କାର୍ଯ୍ୟ ଯୋଜନା ‘ ଗରିବ କଲ୍ୟାଣ ରୋଜଗାର ଅଭିଯାନ’ର ଶୁଭରାମ୍ଭ କରିବେ ପ୍ରଧାମନ୍ତ୍ରୀ ନରେନ୍ଦ୍ର ମୋଦି ।
ଜଣେ ଅଧିକାରୀଙ୍କ ବିବୃତ୍ତିରେ ଗୁରୁବାର କୁହାଯାଇଛି କି, ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଓ ଉପମୁଖ୍ୟମନ୍ତ୍ରୀ ସୁଶୀଲ ମୋଦିଙ୍କ ଉପସ୍ଥିତିରେ ଭିଡିଓ କନଫରେନ୍ସିଂ ଜରିଆରେ ଜୁନ 20ରେ ପିଏମ ଏହି ଅଭିଯାନର ଶୁଭାରମ୍ଭ କରିବେ । ଏହି ଯୋଜନାର ଡିଜିଟାଲ ଶୁଭାରମ୍ଭରେ ଅନ୍ୟ 5 ରାଜ୍ୟର ମୁଖ୍ୟମନ୍ତ୍ରୀ ଓ କିଛି କେନ୍ଦ୍ର ମନ୍ତ୍ରୀ ମଧ୍ୟ ଭାଗ ନେବେ ।
ଏହା ବିହାରର ଖଗଡିଆ ଜିଲ୍ଲାର ବେଲଦର ପ୍ରଖଣ୍ଡର ତେଲିହର ଗାଁରୁ ଆରମ୍ଭ କରାଯିବ ।
ବିବୃତ୍ତିରେ କୁହାଯାଇଛି କି, ବିହାର, ଉତ୍ତରପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନ, ଝାଡଖଣ୍ଡ ଏବଂ ଓଡିଶାର ମୋଟ 116 ଜିଲ୍ଲାରେ 25,000 ରୁ ଅଧିକ ପ୍ରବାସୀ ଶ୍ରମିକଙ୍କୁ ଏହି ଅଭିଯାନ ପାଇଁ ଚୟନ କରାଯାଇଛି । ଯେଉଁଥିରେ 27 ଜିଲ୍ଲା ସାମିଲ ରହିଛି । ଏହି ଜିଲ୍ଲାର ପାଖାପାଖୀ ଦୁଇ-ତୃତୀୟାଂଶ ପ୍ରବାସୀ ଶ୍ରମିକଙ୍କୁ ସାମିଲ ନେଇ ଅନୁମାନ ରହିଛି ।
ଏହି ଅଭିଯାନ 125 ଦିନର ରହିଛି । ଯେଉଁଥିରେ ପ୍ରବାସୀ ଶ୍ରମିକଙ୍କୁ ରୋଜଗାର ମୁହାଁ କରିବା ସହ ଦେଶର ଗ୍ରାମାଞ୍ଚଳରେ ଭିତ୍ତିଭୂମି ସଂରଞ୍ଚନାକୁ ମଜବୁତ କରିବା ପାଇଁ 25 ପ୍ରକାର ବିଭିନ୍ନ କାମରେ ଧ୍ୟାନ କେନ୍ଦ୍ରୀତ କରାଯାଇଛି ।
